פסוקים על Zipporah

15 פסוקים · 4 היבטים

פסוקי מפתח

שְׁמֹות ב׳:ט״ז
ולכהן מדין שבע בנות ותבאנה ותדלנה ותמלאנה את הרהטים להשקות צאן אביהן׃
שְׁמֹות ב׳:י״ז
ויבאו הרעים ויגרשום ויקם משה ויושען וישק את צאנם׃
שְׁמֹות ב׳:י״ח
ותבאנה אל רעואל אביהן ויאמר מדוע מהרתן בא היום׃
שְׁמֹות ב׳:י״ט
ותאמרן איש מצרי הצילנו מיד הרעים וגם דלה דלה לנו וישק את הצאן׃
שְׁמֹות ב׳:כ׳
ויאמר אל בנתיו ואיו למה זה עזבתן את האיש קראן לו ויאכל לחם׃
שְׁמֹות ב׳:כ״א
ויואל משה לשבת את האיש ויתן את צפרה בתו למשה׃
שְׁמֹות ב׳:כ״ב
ותלד בן ויקרא את שמו גרשם כי אמר גר הייתי בארץ נכריה׃
שְׁמֹות ד׳:כ״ה
ותקח צפרה צר ותכרת את ערלת בנה ותגע לרגליו ותאמר כי חתן דמים אתה לי׃
שְׁמֹות ד׳:כ״ו
וירף ממנו אז אמרה חתן דמים למולת׃
שְׁמֹות י״ח:ב׳
ויקח יתרו חתן משה את צפרה אשת משה אחר שלוחיה׃
שְׁמֹות י״ח:ג׳
ואת שני בניה אשר שם האחד גרשם כי אמר גר הייתי בארץ נכריה׃
שְׁמֹות י״ח:ד׳
ושם האחד אליעזר כי אלהי אבי בעזרי ויצלני מחרב פרעה׃
שְׁמֹות י״ח:ה׳
ויבא יתרו חתן משה ובניו ואשתו אל משה אל המדבר אשר הוא חנה שם הר האלהים׃
שְׁמֹות י״ח:ו׳
ויאמר אל משה אני חתנך יתרו בא אליך ואשתך ושני בניה עמה׃
בְּמִדְבַּר י״ב:א׳
¶ ותדבר מרים ואהרן במשה על אדות האשה הכשית אשר לקח כי אשה כשית לקח׃