פסוקים על Waiting Upon God

אך לאלהים דומי נפשי כי ממנו תקותי׃

יגעתי בקראי נחר גרוני כלו עיני מיחל לאלהי׃

כלם אליך ישברון לתת אכלם בעתו׃

תתן להם ילקטון תפתח ידך ישבעון טוב׃

הנה כעיני עבדים אל יד אדוניהם כעיני שפחה אל יד גברתה כן עינינו אל יהוה אלהינו עד שיחננו׃

קויתי יהוה קותה נפשי ולדברו הוחלתי׃

נפשי לאדני משמרים לבקר שמרים לבקר׃

עיני כל אליך ישברו ואתה נותן להם את אכלם בעתו׃

פותח את ידך ומשביע לכל חי רצון׃

אל תאמר אשלמה רע קוה ליהוה וישע לך׃

וחכיתי ליהוה המסתיר פניו מבית יעקב וקויתי לו׃

ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו׃

אף ארח משפטיך יהוה קוינוך לשמך ולזכרך תאות נפש׃

ולכן יחכה יהוה לחננכם ולכן ירום לרחמכם כי אלהי משפט יהוה אשרי כל חוכי לו׃

יהוה חננו לך קוינו היה זרעם לבקרים אף ישועתנו בעת צרה׃

וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו׃

לא יכהה ולא ירוץ עד ישים בארץ משפט ולתורתו איים ייחילו׃

והיו מלכים אמניך ושרותיהם מיניקתיך אפים ארץ ישתחוו לך ועפר רגליך ילחכו וידעת כי אני יהוה אשר לא יבשו קוי׃

כי לי איים יקוו ואניות תרשיש בראשנה להביא בניך מרחוק כספם וזהבם אתם לשם יהוה אלהיך ולקדוש ישראל כי פארך׃

ומעולם לא שמעו לא האזינו עין לא ראתה אלהים זולתך יעשה למחכה לו׃

היש בהבלי הגוים מגשמים ואם השמים יתנו רבבים הלא אתה הוא יהוה אלהינו ונקוה לך כי אתה עשית את כל אלה׃

טוב יהוה לקוו לנפש תדרשנו׃

טוב ויחיל ודומם לתשועת יהוה׃

אשרי המחכה ויגיע לימים אלף שלש מאות שלשים וחמשה׃

ואתה באלהיך תשוב חסד ומשפט שמר וקוה אל אלהיך תמיד׃