פסוקים על Theft

ולבן הלך לגזז את צאנו ותגנב רחל את התרפים אשר לאביה׃

לא תגנב׃

¶ כי יגנב איש שור או שה וטבחו או מכרו חמשה בקר ישלם תחת השור וארבע צאן תחת השה׃

אם במחתרת ימצא הגנב והכה ומת אין לו דמים׃

אם זרחה השמש עליו דמים לו שלם ישלם אם אין לו ונמכר בגנבתו׃

אם המצא תמצא בידו הגנבה משור עד חמור עד שה חיים שנים ישלם׃

כי יבער איש שדה או כרם ושלח את בעירה ובער בשדה אחר מיטב שדהו ומיטב כרמו ישלם׃

כי תצא אש ומצאה קצים ונאכל גדיש או הקמה או השדה שלם ישלם המבער את הבערה׃

כי יתן איש אל רעהו כסף או כלים לשמר וגנב מבית האיש אם ימצא הגנב ישלם שנים׃

אם לא ימצא הגנב ונקרב בעל הבית אל האלהים אם לא שלח ידו במלאכת רעהו׃

לא תעשק את רעך ולא תגזל לא תלין פעלת שכיר אתך עד בקר׃

ואראה בשלל אדרת שנער אחת טובה ומאתים שקלים כסף ולשון זהב אחד חמשים שקלים משקלו ואחמדם ואקחם והנם טמונים בארץ בתוך האהלי והכסף תחתיה׃

וישימו לו בעלי שכם מארבים על ראשי ההרים ויגזלו את כל אשר יעבר עליהם בדרך ויגד לאבימלך׃

ויאמר לאמו אלף ומאה הכסף אשר לקח לך ואתי אלית וגם אמרת באזני הנה הכסף אתי אני לקחתיו ותאמר אמו ברוך בני ליהוה׃

ישליו אהלים לשדדים ובטחות למרגיזי אל לאשר הביא אלוה בידו׃

לאור יקום רוצח יקטל עני ואביון ובלילה יהי כגנב׃

אם ראית גנב ותרץ עמו ועם מנאפים חלקך׃

אלה עשית והחרשתי דמית היות אהיה כמוך אוכיחך ואערכה לעיניך׃

חבלי רשעים עודני תורתך לא שכחתי׃

שד רשעים יגורם כי מאנו לעשות משפט׃

עשיר ורש נפגשו עשה כלם יהוה׃

חולק עם גנב שונא נפשו אלה ישמע ולא יגיד׃

שריך סוררים וחברי גנבים כלו אהב שחד ורדף שלמנים יתום לא ישפטו וריב אלמנה לא יבוא אליהם׃

להטות מדין דלים ולגזל משפט עניי עמי להיות אלמנות שללם ואת יתומים יבזו׃

כבשת גנב כי ימצא כן הבישו בית ישראל המה מלכיהם שריהם וכהניהם ונביאיהם׃