פסוקים על The Sea

ואשבר עליו חקי ואשים בריח ודלתים׃

ואמר עד פה תבוא ולא תסיף ופא ישית בגאון גליך׃

ירתיח כסיר מצולה ים ישים כמרקחה׃

אחריו יאיר נתיב יחשב תהום לשיבה׃

כי הוא על ימים יסדה ועל נהרות יכוננה׃

משביח שאון ימים שאון גליהם והמון לאמים׃

אמר אדני מבשן אשיב אשיב ממצלות ים׃

יהללוהו שמים וארץ ימים וכל רמש בם׃

בים דרכך ושביליך במים רבים ועקבותיך לא נדעו׃

וימטר עליהם כעפר שאר וכחול ימים עוף כנף׃

אתה מושל בגאות הים בשוא גליו אתה תשבחם׃

נשאו נהרות יהוה נשאו נהרות קולם ישאו נהרות דכים׃

מקלות מים רבים אדירים משברי ים אדיר במרום יהוה׃

אשר לו הים והוא עשהו ויבשת ידיו יצרו׃

זה הים גדול ורחב ידים שם רמש ואין מספר חיות קטנות עם גדלות׃

שם אניות יהלכון לויתן זה יצרת לשחק בו׃

יורדי הים באניות עשי מלאכה במים רבים׃

המה ראו מעשי יהוה ונפלאותיו במצולה׃

ויאמר ויעמד רוח סערה ותרומם גליו׃

יעלו שמים ירדו תהומות נפשם ברעה תתמוגג׃

יקם סערה לדממה ויחשו גליהם׃

כל אשר חפץ יהוה עשה בשמים ובארץ בימים וכל תהומות׃

הללו את יהוה מן הארץ תנינים וכל תהמות׃

בהכינו שמים שם אני בחוקו חוג על פני תהום׃

בשומו לים חקו ומים לא יעברו פיו בחוקו מוסדי ארץ׃