פסוקים על The Righteousness of God

וצדקתך אלהים עד מרום אשר עשית גדלות אלהים מי כמוך׃

גם לשוני כל היום תהגה צדקתך כי בשו כי חפרו מבקשי רעתי׃

הנה אלה רשעים ושלוי עולם השגו חיל׃

אך ריק זכיתי לבבי וארחץ בנקיון כפי׃

ואהי נגוע כל היום ותוכחתי לבקרים׃

אם אמרתי אספרה כמו הנה דור בניך בגדתי׃

ואחשבה לדעת זאת עמל היא בעיני׃

עד אבוא אל מקדשי אל אבינה לאחריתם׃

חסד ואמת נפגשו צדק ושלום נשקו׃

לפני יהוה כי בא כי בא לשפט הארץ ישפט תבל בצדק ועמים באמונתו׃

ענן וערפל סביביו צדק ומשפט מכון כסאו׃

הגידו השמים צדקו וראו כל העמים כבודו׃

הודיע יהוה ישועתו לעיני הגוים גלה צדקתו׃

לפני יהוה כי בא לשפט הארץ ישפט תבל בצדק ועמים במישרים׃

וחסד יהוה מעולם ועד עולם על יראיו וצדקתו לבני בנים׃

הוד והדר פעלו וצדקתו עמדת לעד׃

חנון יהוה וצדיק ואלהינו מרחם׃

אודך בישר לבב בלמדי משפטי צדקך׃

הנה תאבתי לפקדיך בצדקתך חיני׃

חצות לילה אקום להודות לך על משפטי צדקך׃

עיני כלו לישועתך ולאמרת צדקך׃

צדיק אתה יהוה וישר משפטיך׃

צוית צדק עדתיך ואמונה מאד׃

צדקתך צדק לעולם ותורתך אמת׃

צדק עדותיך לעולם הבינני ואחיה׃