פסוקים על The First Temple

365 פסוקים · 72 היבטים

פסוקי מפתח

2 מְלָכִים כ״א:ו׳
והעביר את בנו באש ועונן ונחש ועשה אוב וידענים הרבה לעשות הרע בעיני יהוה להכעיס׃
2 מְלָכִים כ״א:ז׳
וישם את פסל האשרה אשר עשה בבית אשר אמר יהוה אל דוד ואל שלמה בנו בבית הזה ובירושלם אשר בחרתי מכל שבטי ישראל אשים את שמי לעולם׃
2 מְלָכִים כ״ב:ג׳
ויהי בשמנה עשרה שנה למלך יאשיהו שלח המלך את שפן בן אצליהו בן משלם הספר בית יהוה לאמר׃
2 מְלָכִים כ״ב:ד׳
עלה אל חלקיהו הכהן הגדול ויתם את הכסף המובא בית יהוה אשר אספו שמרי הסף מאת העם׃
2 מְלָכִים כ״ב:ה׳
ויתנה על יד עשי המלאכה המפקדים בבית יהוה ויתנו אתו לעשי המלאכה אשר בבית יהוה לחזק בדק הבית׃
2 מְלָכִים כ״ב:ו׳
לחרשים ולבנים ולגדרים ולקנות עצים ואבני מחצב לחזק את הבית׃
2 מְלָכִים כ״ב:ז׳
אך לא יחשב אתם הכסף הנתן על ידם כי באמונה הם עשים׃
2 מְלָכִים כ״ג:ד׳
ויצו המלך את חלקיהו הכהן הגדול ואת כהני המשנה ואת שמרי הסף להוציא מהיכל יהוה את כל הכלים העשוים לבעל ולאשרה ולכל צבא השמים וישרפם מחוץ לירושלם בשדמות קדרון ונשא את עפרם בית אל׃
2 מְלָכִים כ״ג:ה׳
והשבית את הכמרים אשר נתנו מלכי יהודה ויקטר בבמות בערי יהודה ומסבי ירושלם ואת המקטרים לבעל לשמש ולירח ולמזלות ולכל צבא השמים׃
2 מְלָכִים כ״ג:ו׳
ויצא את האשרה מבית יהוה מחוץ לירושלם אל נחל קדרון וישרף אתה בנחל קדרון וידק לעפר וישלך את עפרה על קבר בני העם׃
2 מְלָכִים כ״ג:ז׳
ויתץ את בתי הקדשים אשר בבית יהוה אשר הנשים ארגות שם בתים לאשרה׃
2 מְלָכִים כ״ג:י״א
וישבת את הסוסים אשר נתנו מלכי יהודה לשמש מבא בית יהוה אל לשכת נתן מלך הסריס אשר בפרורים ואת מרכבות השמש שרף באש׃
2 מְלָכִים כ״ג:י״ב
ואת המזבחות אשר על הגג עלית אחז אשר עשו מלכי יהודה ואת המזבחות אשר עשה מנשה בשתי חצרות בית יהוה נתץ המלך וירץ משם והשליך את עפרם אל נחל קדרון׃
2 מְלָכִים כ״ה:ט׳
וישרף את בית יהוה ואת בית המלך ואת כל בתי ירושלם ואת כל בית גדול שרף באש׃
2 מְלָכִים כ״ה:י״ג
ואת עמודי הנחשת אשר בית יהוה ואת המכנות ואת ים הנחשת אשר בבית יהוה שברו כשדים וישאו את נחשתם בבלה׃
2 מְלָכִים כ״ה:י״ד
ואת הסירת ואת היעים ואת המזמרות ואת הכפות ואת כל כלי הנחשת אשר ישרתו בם לקחו׃
2 מְלָכִים כ״ה:ט״ו
ואת המחתות ואת המזרקות אשר זהב זהב ואשר כסף כסף לקח רב טבחים׃
2 מְלָכִים כ״ה:ט״ז
העמודים שנים הים האחד והמכנות אשר עשה שלמה לבית יהוה לא היה משקל לנחשת כל הכלים האלה׃
2 מְלָכִים כ״ה:י״ז
שמנה עשרה אמה קומת העמוד האחד וכתרת עליו נחשת וקומת הכתרת שלש אמה ושבכה ורמנים על הכתרת סביב הכל נחשת וכאלה לעמוד השני על השבכה׃
1 דִּבְרֵי הַיָּמִים י״ז:י״ב
הוא יבנה לי בית וכננתי את כסאו עד עולם׃
1 דִּבְרֵי הַיָּמִים כ״א:כ״ח
בעת ההיא בראות דויד כי ענהו יהוה בגרן ארנן היבוסי ויזבח שם׃
1 דִּבְרֵי הַיָּמִים כ״א:כ״ט
ומשכן יהוה אשר עשה משה במדבר ומזבח העולה בעת ההיא בבמה בגבעון׃
1 דִּבְרֵי הַיָּמִים כ״א:ל׳
ולא יכל דויד ללכת לפניו לדרש אלהים כי נבעת מפני חרב מלאך יהוה׃
1 דִּבְרֵי הַיָּמִים כ״ב:ב׳
ויאמר דויד לכנוס את הגרים אשר בארץ ישראל ויעמד חצבים לחצוב אבני גזית לבנות בית האלהים׃
1 דִּבְרֵי הַיָּמִים כ״ב:ג׳
וברזל לרב למסמרים לדלתות השערים ולמחברות הכין דויד ונחשת לרב אין משקל׃

מציג 151–175 מתוך 365 פסוקים

הקודם 1...5 6 7 8 9...15 הבא