פסוקים על The First Temple: Made preparations for building

11 פסוקים · 72 היבטים

פסוקים על Made preparations for building

  1. 1 דִּבְרֵי הַיָּמִים כ״ב:ב׳

    ויאמר דויד לכנוס את הגרים אשר בארץ ישראל ויעמד חצבים לחצוב אבני גזית לבנות בית האלהים׃

  2. 1 דִּבְרֵי הַיָּמִים כ״ב:ג׳

    וברזל לרב למסמרים לדלתות השערים ולמחברות הכין דויד ונחשת לרב אין משקל׃

  3. 1 דִּבְרֵי הַיָּמִים כ״ב:ד׳

    ועצי ארזים לאין מספר כי הביאו הצידנים והצרים עצי ארזים לרב לדויד׃

  4. 1 דִּבְרֵי הַיָּמִים כ״ב:ה׳

    ויאמר דויד שלמה בני נער ורך והבית לבנות ליהוה להגדיל למעלה לשם ולתפארת לכל הארצות אכינה נא לו ויכן דויד לרב לפני מותו׃

  5. 1 דִּבְרֵי הַיָּמִים כ״ב:י״ד

    והנה בעניי הכינותי לבית יהוה זהב ככרים מאה אלף וכסף אלף אלפים ככרים ולנחשת ולברזל אין משקל כי לרב היה ועצים ואבנים הכינותי ועליהם תוסיף׃

  6. 1 דִּבְרֵי הַיָּמִים כ״ב:ט״ו

    ועמך לרב עשי מלאכה חצבים וחרשי אבן ועץ וכל חכם בכל מלאכה׃

  7. 1 דִּבְרֵי הַיָּמִים כ״ב:ט״ז

    לזהב לכסף ולנחשת ולברזל אין מספר קום ועשה ויהי יהוה עמך׃

  8. 1 דִּבְרֵי הַיָּמִים כ״ט:ב׳

    וככל כחי הכינותי לבית אלהי הזהב לזהב והכסף לכסף והנחשת לנחשת הברזל לברזל והעצים לעצים אבני שהם ומלואים אבני פוך ורקמה וכל אבן יקרה ואבני שיש לרב׃

  9. 1 דִּבְרֵי הַיָּמִים כ״ט:ג׳

    ועוד ברצותי בבית אלהי יש לי סגלה זהב וכסף נתתי לבית אלהי למעלה מכל הכינותי לבית הקדש׃

  10. 1 דִּבְרֵי הַיָּמִים כ״ט:ד׳

    שלשת אלפים ככרי זהב מזהב אופיר ושבעת אלפים ככר כסף מזקק לטוח קירות הבתים׃

  11. 1 דִּבְרֵי הַיָּמִים כ״ט:ה׳

    לזהב לזהב ולכסף לכסף ולכל מלאכה ביד חרשים ומי מתנדב למלאות ידו היום ליהוה׃