פסוקים על Temptation

פסילי אלהיהם תשרפון באש לא תחמד כסף וזהב עליהם ולקחת לך פן תוקש בו כי תועבת יהוה אלהיך הוא׃

השמר לך פן תשכח את יהוה אלהיך לבלתי שמר מצותיו ומשפטיו וחקתיו אשר אנכי מצוך היום׃

פן תאכל ושבעת ובתים טובים תבנה וישבת׃

ובקרך וצאנך ירבין וכסף וזהב ירבה לך וכל אשר לך ירבה׃

ורם לבבך ושכחת את יהוה אלהיך המוציאך מארץ מצרים מבית עבדים׃

ואמרת בלבבך כחי ועצם ידי עשה לי את החיל הזה׃

וזכרת את יהוה אלהיך כי הוא הנתן לך כח לעשות חיל למען הקים את בריתו אשר נשבע לאבתיך כיום הזה׃

לא תשמע אל דברי הנביא ההוא או אל חולם החלום ההוא כי מנסה יהוה אלהיכם אתכם לדעת הישכם אהבים את יהוה אלהיכם בכל לבבכם ובכל נפשכם׃

ואראה בשלל אדרת שנער אחת טובה ומאתים שקלים כסף ולשון זהב אחד חמשים שקלים משקלו ואחמדם ואקחם והנם טמונים בארץ בתוך האהלי והכסף תחתיה׃

ויהי לעת הערב ויקם דוד מעל משכבו ויתהלך על גג בית המלך וירא אשה רחצת מעל הגג והאשה טובת מראה מאד׃

על חטאות ירבעם אשר חטא ואשר החטיא את ישראל בכעסו אשר הכעיס את יהוה אלהי ישראל׃

¶ ויעמד שטן על ישראל ויסת את דויד למנות את ישראל׃

והוא יחזקיהו סתם את מוצא מימי גיחון העליון ויישרם למטה מערבה לעיר דויד ויצלח יחזקיהו בכל מעשהו׃

וכן במליצי שרי בבל המשלחים עליו לדרש המופת אשר היה בארץ עזבו האלהים לנסותו לדעת כל בלבבו׃

ונתפלל אל אלהינו ונעמיד משמר עליהם יומם ולילה מפניהם׃

ויען השטן את יהוה ויאמר החנם ירא איוב אלהים׃

הלא את שכת בעדו ובעד ביתו ובעד כל אשר לו מסביב מעשה ידיו ברכת ומקנהו פרץ בארץ׃

ואולם שלח נא ידך וגע בכל אשר לו אם לא על פניך יברכך׃

ויאמר יהוה אל השטן הנה כל אשר לו בידך רק אליו אל תשלח ידך ויצא השטן מעם פני יהוה׃

¶ ברית כרתי לעיני ומה אתבונן על בתולה׃

אם הלכתי עם שוא ותחש על מרמה רגלי׃

ישקלני במאזני צדק וידע אלוה תמתי׃

אם תטה אשרי מני הדרך ואחר עיני הלך לבי ובכפי דבק מאום׃

אזרעה ואחר יאכל וצאצאי ישרשו׃

אם נפתה לבי על אשה ועל פתח רעי ארבתי׃