פסוקים על Tact

84 פסוקים · 11 היבטים

פסוקי מפתח

1 שְׁמוּאֵל כ״ה:ל״ד
ואולם חי יהוה אלהי ישראל אשר מנעני מהרע אתך כי לולי מהרת ותבאתי לקראתי כי אם נותר לנבל עד אור הבקר משתין בקיר׃
1 שְׁמוּאֵל כ״ה:ל״ה
ויקח דוד מידה את אשר הביאה לו ולה אמר עלי לשלום לביתך ראי שמעתי בקולך ואשא פניך׃
1 שְׁמוּאֵל כ״ה:ל״ו
ותבא אביגיל אל נבל והנה לו משתה בביתו כמשתה המלך ולב נבל טוב עליו והוא שכר עד מאד ולא הגידה לו דבר קטן וגדול עד אור הבקר׃
1 שְׁמוּאֵל כ״ה:ל״ז
ויהי בבקר בצאת היין מנבל ותגד לו אשתו את הדברים האלה וימת לבו בקרבו והוא היה לאבן׃
2 שְׁמוּאֵל י״ד:א׳
¶ וידע יואב בן צריה כי לב המלך על אבשלום׃
2 שְׁמוּאֵל י״ד:ב׳
וישלח יואב תקועה ויקח משם אשה חכמה ויאמר אליה התאבלי נא ולבשי נא בגדי אבל ואל תסוכי שמן והיית כאשה זה ימים רבים מתאבלת על מת׃
2 שְׁמוּאֵל י״ד:ג׳
ובאת אל המלך ודברת אליו כדבר הזה וישם יואב את הדברים בפיה׃
2 שְׁמוּאֵל י״ד:ד׳
ותאמר האשה התקעית אל המלך ותפל על אפיה ארצה ותשתחו ותאמר הושעה המלך׃
2 שְׁמוּאֵל י״ד:ה׳
ויאמר לה המלך מה לך ותאמר אבל אשה אלמנה אני וימת אישי׃
2 שְׁמוּאֵל י״ד:ו׳
ולשפחתך שני בנים וינצו שניהם בשדה ואין מציל ביניהם ויכו האחד את האחד וימת אתו׃
2 שְׁמוּאֵל י״ד:ז׳
והנה קמה כל המשפחה על שפחתך ויאמרו תני את מכה אחיו ונמתהו בנפש אחיו אשר הרג ונשמידה גם את היורש וכבו את גחלתי אשר נשארה לבלתי שום לאישי שם ושארית על פני האדמה׃
2 שְׁמוּאֵל י״ד:ח׳
ויאמר המלך אל האשה לכי לביתך ואני אצוה עליך׃
2 שְׁמוּאֵל י״ד:ט׳
ותאמר האשה התקועית אל המלך עלי אדני המלך העון ועל בית אבי והמלך וכסאו נקי׃
2 שְׁמוּאֵל י״ד:י׳
ויאמר המלך המדבר אליך והבאתו אלי ולא יסיף עוד לגעת בך׃
2 שְׁמוּאֵל י״ד:י״א
ותאמר יזכר נא המלך את יהוה אלהיך מהרבית גאל הדם לשחת ולא ישמידו את בני ויאמר חי יהוה אם יפל משערת בנך ארצה׃
2 שְׁמוּאֵל י״ד:י״ב
ותאמר האשה תדבר נא שפחתך אל אדני המלך דבר ויאמר דברי׃
2 שְׁמוּאֵל י״ד:י״ג
ותאמר האשה ולמה חשבתה כזאת על עם אלהים ומדבר המלך הדבר הזה כאשם לבלתי השיב המלך את נדחו׃
2 שְׁמוּאֵל י״ד:י״ד
כי מות נמות וכמים הנגרים ארצה אשר לא יאספו ולא ישא אלהים נפש וחשב מחשבות לבלתי ידח ממנו נדח׃
2 שְׁמוּאֵל י״ד:ט״ו
ועתה אשר באתי לדבר אל המלך אדני את הדבר הזה כי יראני העם ותאמר שפחתך אדברה נא אל המלך אולי יעשה המלך את דבר אמתו׃
2 שְׁמוּאֵל י״ד:ט״ז
כי ישמע המלך להציל את אמתו מכף האיש להשמיד אתי ואת בני יחד מנחלת אלהים׃
2 שְׁמוּאֵל י״ד:י״ז
ותאמר שפחתך יהיה נא דבר אדני המלך למנוחה כי כמלאך האלהים כן אדני המלך לשמע הטוב והרע ויהוה אלהיך יהי עמך׃
2 שְׁמוּאֵל י״ד:י״ח
ויען המלך ויאמר אל האשה אל נא תכחדי ממני דבר אשר אנכי שאל אתך ותאמר האשה ידבר נא אדני המלך׃
2 שְׁמוּאֵל י״ד:י״ט
ויאמר המלך היד יואב אתך בכל זאת ותען האשה ותאמר חי נפשך אדני המלך אם אש להמין ולהשמיל מכל אשר דבר אדני המלך כי עבדך יואב הוא צוני והוא שם בפי שפחתך את כל הדברים האלה׃
2 שְׁמוּאֵל י״ד:כ׳
לבעבור סבב את פני הדבר עשה עבדך יואב את הדבר הזה ואדני חכם כחכמת מלאך האלהים לדעת את כל אשר בארץ׃
2 שְׁמוּאֵל י״ד:כ״א
ויאמר המלך אל יואב הנה נא עשיתי את הדבר הזה ולך השב את הנער את אבשלום׃

מציג 26–50 מתוך 84 פסוקים

הקודם 1 2 3 4 הבא