פסוקים על Shimei

53 פסוקים · 19 היבטים

פסוקי מפתח

שְׁמֹות ו׳:י״ז
בני גרשון לבני ושמעי למשפחתם׃
בְּמִדְבַּר ג׳:י״ח
ואלה שמות בני גרשון למשפחתם לבני ושמעי׃
2 שְׁמוּאֵל ט״ז:ה׳
ובא המלך דוד עד בחורים והנה משם איש יוצא ממשפחת בית שאול ושמו שמעי בן גרא יצא יצוא ומקלל׃
2 שְׁמוּאֵל ט״ז:ו׳
ויסקל באבנים את דוד ואת כל עבדי המלך דוד וכל העם וכל הגברים מימינו ומשמאלו׃
2 שְׁמוּאֵל ט״ז:ז׳
וכה אמר שמעי בקללו צא צא איש הדמים ואיש הבליעל׃
2 שְׁמוּאֵל ט״ז:ח׳
השיב עליך יהוה כל דמי בית שאול אשר מלכת תחתו ויתן יהוה את המלוכה ביד אבשלום בנך והנך ברעתך כי איש דמים אתה׃
2 שְׁמוּאֵל ט״ז:ט׳
ויאמר אבישי בן צרויה אל המלך למה יקלל הכלב המת הזה את אדני המלך אעברה נא ואסירה את ראשו׃
2 שְׁמוּאֵל ט״ז:י׳
ויאמר המלך מה לי ולכם בני צריה כי יקלל וכי יהוה אמר לו קלל את דוד ומי יאמר מדוע עשיתה כן׃
2 שְׁמוּאֵל ט״ז:י״א
ויאמר דוד אל אבישי ואל כל עבדיו הנה בני אשר יצא ממעי מבקש את נפשי ואף כי עתה בן הימיני הנחו לו ויקלל כי אמר לו יהוה׃
2 שְׁמוּאֵל ט״ז:י״ב
אולי יראה יהוה בעוני והשיב יהוה לי טובה תחת קללתו היום הזה׃
2 שְׁמוּאֵל ט״ז:י״ג
וילך דוד ואנשיו בדרך ושמעי הלך בצלע ההר לעמתו הלוך ויקלל ויסקל באבנים לעמתו ועפר בעפר׃
2 שְׁמוּאֵל י״ט:ט״ז
וימהר שמעי בן גרא בן הימיני אשר מבחורים וירד עם איש יהודה לקראת המלך דוד׃
2 שְׁמוּאֵל י״ט:י״ז
ואלף איש עמו מבנימן וציבא נער בית שאול וחמשת עשר בניו ועשרים עבדיו אתו וצלחו הירדן לפני המלך׃
2 שְׁמוּאֵל י״ט:י״ח
ועברה העברה לעביר את בית המלך ולעשות הטוב בעינו ושמעי בן גרא נפל לפני המלך בעברו בירדן׃
2 שְׁמוּאֵל י״ט:י״ט
ויאמר אל המלך אל יחשב לי אדני עון ואל תזכר את אשר העוה עבדך ביום אשר יצא אדני המלך מירושלם לשום המלך אל לבו׃
2 שְׁמוּאֵל י״ט:כ׳
כי ידע עבדך כי אני חטאתי והנה באתי היום ראשון לכל בית יוסף לרדת לקראת אדני המלך׃
2 שְׁמוּאֵל י״ט:כ״א
ויען אבישי בן צרויה ויאמר התחת זאת לא יומת שמעי כי קלל את משיח יהוה׃
2 שְׁמוּאֵל י״ט:כ״ב
ויאמר דוד מה לי ולכם בני צרויה כי תהיו לי היום לשטן היום יומת איש בישראל כי הלוא ידעתי כי היום אני מלך על ישראל׃
2 שְׁמוּאֵל י״ט:כ״ג
ויאמר המלך אל שמעי לא תמות וישבע לו המלך׃
1 מְלָכִים א׳:ח׳
וצדוק הכהן ובניהו בן יהוידע ונתן הנביא ושמעי ורעי והגבורים אשר לדוד לא היו עם אדניהו׃
1 מְלָכִים ב׳:ל״ו
וישלח המלך ויקרא לשמעי ויאמר לו בנה לך בית בירושלם וישבת שם ולא תצא משם אנה ואנה׃
1 מְלָכִים ב׳:ל״ז
והיה ביום צאתך ועברת את נחל קדרון ידע תדע כי מות תמות דמך יהיה בראשך׃
1 מְלָכִים ב׳:ל״ח
ויאמר שמעי למלך טוב הדבר כאשר דבר אדני המלך כן יעשה עבדך וישב שמעי בירושלם ימים רבים׃
1 מְלָכִים ב׳:ל״ט
ויהי מקץ שלש שנים ויברחו שני עבדים לשמעי אל אכיש בן מעכה מלך גת ויגידו לשמעי לאמר הנה עבדיך בגת׃
1 מְלָכִים ב׳:מ׳
ויקם שמעי ויחבש את חמרו וילך גתה אל אכיש לבקש את עבדיו וילך שמעי ויבא את עבדיו מגת׃

מציג 1–25 מתוך 53 פסוקים

1 2 3 הבא