פסוקים על Sanitation

289 פסוקים · 10 היבטים

פסוקי מפתח

סינון לפי ספר
  1. וַיִּקְרָא י״ג:נ״ד

    וצוה הכהן וכבסו את אשר בו הנגע והסגירו שבעת ימים שנית׃

  2. וַיִּקְרָא י״ג:נ״ה

    וראה הכהן אחרי הכבס את הנגע והנה לא הפך הנגע את עינו והנגע לא פשה טמא הוא באש תשרפנו פחתת הוא בקרחתו או בגבחתו׃

  3. וַיִּקְרָא י״ג:נ״ו

    ואם ראה הכהן והנה כהה הנגע אחרי הכבס אתו וקרע אתו מן הבגד או מן העור או מן השתי או מן הערב׃

  4. וַיִּקְרָא י״ג:נ״ז

    ואם תראה עוד בבגד או בשתי או בערב או בכל כלי עור פרחת הוא באש תשרפנו את אשר בו הנגע׃

  5. וַיִּקְרָא י״ג:נ״ח

    והבגד או השתי או הערב או כל כלי העור אשר תכבס וסר מהם הנגע וכבס שנית וטהר׃

  6. וַיִּקְרָא י״ג:נ״ט

    זאת תורת נגע צרעת בגד הצמר או הפשתים או השתי או הערב או כל כלי עור לטהרו או לטמאו׃

  7. וַיִּקְרָא י״ד:ב׳

    זאת תהיה תורת המצרע ביום טהרתו והובא אל הכהן׃

  8. וַיִּקְרָא י״ד:ג׳

    ויצא הכהן אל מחוץ למחנה וראה הכהן והנה נרפא נגע הצרעת מן הצרוע׃

  9. וַיִּקְרָא י״ד:ח׳

    וכבס המטהר את בגדיו וגלח את כל שערו ורחץ במים וטהר ואחר יבוא אל המחנה וישב מחוץ לאהלו שבעת ימים׃

  10. וַיִּקְרָא י״ד:ט׳

    והיה ביום השביעי יגלח את כל שערו את ראשו ואת זקנו ואת גבת עיניו ואת כל שערו יגלח וכבס את בגדיו ורחץ את בשרו במים וטהר׃

  11. וַיִּקְרָא י״ד:ל״ד

    כי תבאו אל ארץ כנען אשר אני נתן לכם לאחזה ונתתי נגע צרעת בבית ארץ אחזתכם׃

  12. וַיִּקְרָא י״ד:ל״ה

    ובא אשר לו הבית והגיד לכהן לאמר כנגע נראה לי בבית׃

  13. וַיִּקְרָא י״ד:ל״ו

    וצוה הכהן ופנו את הבית בטרם יבא הכהן לראות את הנגע ולא יטמא כל אשר בבית ואחר כן יבא הכהן לראות את הבית׃

  14. וַיִּקְרָא י״ד:ל״ז

    וראה את הנגע והנה הנגע בקירת הבית שקערורת ירקרקת או אדמדמת ומראיהן שפל מן הקיר׃

  15. וַיִּקְרָא י״ד:ל״ח

    ויצא הכהן מן הבית אל פתח הבית והסגיר את הבית שבעת ימים׃

  16. וַיִּקְרָא י״ד:ל״ט

    ושב הכהן ביום השביעי וראה והנה פשה הנגע בקירת הבית׃

  17. וַיִּקְרָא י״ד:מ׳

    וצוה הכהן וחלצו את האבנים אשר בהן הנגע והשליכו אתהן אל מחוץ לעיר אל מקום טמא׃

  18. וַיִּקְרָא י״ד:מ״א

    ואת הבית יקצע מבית סביב ושפכו את העפר אשר הקצו אל מחוץ לעיר אל מקום טמא׃

  19. וַיִּקְרָא י״ד:מ״ב

    ולקחו אבנים אחרות והביאו אל תחת האבנים ועפר אחר יקח וטח את הבית׃

  20. וַיִּקְרָא י״ד:מ״ג

    ואם ישוב הנגע ופרח בבית אחר חלץ את האבנים ואחרי הקצות את הבית ואחרי הטוח׃

  21. וַיִּקְרָא י״ד:מ״ד

    ובא הכהן וראה והנה פשה הנגע בבית צרעת ממארת הוא בבית טמא הוא׃

  22. וַיִּקְרָא י״ד:מ״ה

    ונתץ את הבית את אבניו ואת עציו ואת כל עפר הבית והוציא אל מחוץ לעיר אל מקום טמא׃

  23. וַיִּקְרָא י״ד:מ״ו

    והבא אל הבית כל ימי הסגיר אתו יטמא עד הערב׃

  24. וַיִּקְרָא י״ד:מ״ז

    והשכב בבית יכבס את בגדיו והאכל בבית יכבס את בגדיו׃

  25. וַיִּקְרָא י״ד:מ״ח

    ואם בא יבא הכהן וראה והנה לא פשה הנגע בבית אחרי הטח את הבית וטהר הכהן את הבית כי נרפא הנגע׃