פסוקים על Sanitation: Food

93 פסוקים · 10 היבטים

פסוקים על Food

סינון לפי ספר
  1. וַיִּקְרָא ג׳:י״ז

    חקת עולם לדרתיכם בכל מושבתיכם כל חלב וכל דם לא תאכלו׃

  2. וַיִּקְרָא ז׳:ט״ו

    ובשר זבח תודת שלמיו ביום קרבנו יאכל לא יניח ממנו עד בקר׃

  3. וַיִּקְרָא ז׳:ט״ז

    ואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל׃

  4. וַיִּקְרָא ז׳:י״ז

    והנותר מבשר הזבח ביום השלישי באש ישרף׃

  5. וַיִּקְרָא ז׳:י״ח

    ואם האכל יאכל מבשר זבח שלמיו ביום השלישי לא ירצה המקריב אתו לא יחשב לו פגול יהיה והנפש האכלת ממנו עונה תשא׃

  6. וַיִּקְרָא ז׳:י״ט

    והבשר אשר יגע בכל טמא לא יאכל באש ישרף והבשר כל טהור יאכל בשר׃

  7. וַיִּקְרָא ז׳:כ״ג

    דבר אל בני ישראל לאמר כל חלב שור וכשב ועז לא תאכלו׃

  8. וַיִּקְרָא ז׳:כ״ד

    וחלב נבלה וחלב טרפה יעשה לכל מלאכה ואכל לא תאכלהו׃

  9. וַיִּקְרָא ז׳:כ״ה

    כי כל אכל חלב מן הבהמה אשר יקריב ממנה אשה ליהוה ונכרתה הנפש האכלת מעמיה׃

  10. וַיִּקְרָא ז׳:כ״ו

    וכל דם לא תאכלו בכל מושבתיכם לעוף ולבהמה׃

  11. וַיִּקְרָא ז׳:כ״ז

    כל נפש אשר תאכל כל דם ונכרתה הנפש ההוא מעמיה׃

  12. וַיִּקְרָא י״א:ב׳

    דברו אל בני ישראל לאמר זאת החיה אשר תאכלו מכל הבהמה אשר על הארץ׃

  13. וַיִּקְרָא י״א:ג׳

    כל מפרסת פרסה ושסעת שסע פרסת מעלת גרה בבהמה אתה תאכלו׃

  14. וַיִּקְרָא י״א:ד׳

    אך את זה לא תאכלו ממעלי הגרה וממפריסי הפרסה את הגמל כי מעלה גרה הוא ופרסה איננו מפריס טמא הוא לכם׃

  15. וַיִּקְרָא י״א:ה׳

    ואת השפן כי מעלה גרה הוא ופרסה לא יפריס טמא הוא לכם׃

  16. וַיִּקְרָא י״א:ו׳

    ואת הארנבת כי מעלת גרה הוא ופרסה לא הפריסה טמאה הוא לכם׃

  17. וַיִּקְרָא י״א:ז׳

    ואת החזיר כי מפריס פרסה הוא ושסע שסע פרסה והוא גרה לא יגר טמא הוא לכם׃

  18. וַיִּקְרָא י״א:ח׳

    מבשרם לא תאכלו ובנבלתם לא תגעו טמאים הם לכם׃

  19. וַיִּקְרָא י״א:ט׳

    את זה תאכלו מכל אשר במים כל אשר לו סנפיר וקשקשת במים בימים ובנחלים אתם תאכלו׃

  20. וַיִּקְרָא י״א:י׳

    וכל אשר אין לו סנפיר וקשקשת בימים ובנחלים מכל שרץ המים ומכל נפש החיה אשר במים שקץ הם לכם׃

  21. וַיִּקְרָא י״א:י״א

    ושקץ יהיו לכם מבשרם לא תאכלו ואת נבלתם תשקצו׃

  22. וַיִּקְרָא י״א:י״ב

    כל אשר אין לו סנפיר וקשקשת במים שקץ הוא לכם׃

  23. וַיִּקְרָא י״א:י״ג

    ואת אלה תשקצו מן העוף לא יאכלו שקץ הם את הנשר ואת הפרס ואת העזניה׃

  24. וַיִּקְרָא י״א:י״ד

    ואת הדאה ואת האיה למינה׃

  25. וַיִּקְרָא י״א:ט״ו

    את כל ערב למינו׃