פסוקים על Sanitation: Contagion

150 פסוקים · 10 היבטים

פסוקים על Contagion

סינון לפי ספר
  1. וַיִּקְרָא ה׳:ב׳

    או נפש אשר תגע בכל דבר טמא או בנבלת חיה טמאה או בנבלת בהמה טמאה או בנבלת שרץ טמא ונעלם ממנו והוא טמא ואשם׃

  2. וַיִּקְרָא ה׳:ג׳

    או כי יגע בטמאת אדם לכל טמאתו אשר יטמא בה ונעלם ממנו והוא ידע ואשם׃

  3. וַיִּקְרָא ז׳:י״ט

    והבשר אשר יגע בכל טמא לא יאכל באש ישרף והבשר כל טהור יאכל בשר׃

  4. וַיִּקְרָא ז׳:כ״א

    ונפש כי תגע בכל טמא בטמאת אדם או בבהמה טמאה או בכל שקץ טמא ואכל מבשר זבח השלמים אשר ליהוה ונכרתה הנפש ההוא מעמיה׃

  5. וַיִּקְרָא י״א:כ״ד

    ולאלה תטמאו כל הנגע בנבלתם יטמא עד הערב׃

  6. וַיִּקְרָא י״א:כ״ה

    וכל הנשא מנבלתם יכבס בגדיו וטמא עד הערב׃

  7. וַיִּקְרָא י״א:כ״ו

    לכל הבהמה אשר הוא מפרסת פרסה ושסע איננה שסעת וגרה איננה מעלה טמאים הם לכם כל הנגע בהם יטמא׃

  8. וַיִּקְרָא י״א:כ״ז

    וכל הולך על כפיו בכל החיה ההלכת על ארבע טמאים הם לכם כל הנגע בנבלתם יטמא עד הערב׃

  9. וַיִּקְרָא י״א:כ״ח

    והנשא את נבלתם יכבס בגדיו וטמא עד הערב טמאים המה לכם׃

  10. וַיִּקְרָא י״א:ל״א

    אלה הטמאים לכם בכל השרץ כל הנגע בהם במתם יטמא עד הערב׃

  11. וַיִּקְרָא י״א:ל״ב

    וכל אשר יפל עליו מהם במתם יטמא מכל כלי עץ או בגד או עור או שק כל כלי אשר יעשה מלאכה בהם במים יובא וטמא עד הערב וטהר׃

  12. וַיִּקְרָא י״א:ל״ג

    וכל כלי חרש אשר יפל מהם אל תוכו כל אשר בתוכו יטמא ואתו תשברו׃

  13. וַיִּקְרָא י״א:ל״ד

    מכל האכל אשר יאכל אשר יבוא עליו מים יטמא וכל משקה אשר ישתה בכל כלי יטמא׃

  14. וַיִּקְרָא י״א:ל״ה

    וכל אשר יפל מנבלתם עליו יטמא תנור וכירים יתץ טמאים הם וטמאים יהיו לכם׃

  15. וַיִּקְרָא י״א:ל״ו

    אך מעין ובור מקוה מים יהיה טהור ונגע בנבלתם יטמא׃

  16. וַיִּקְרָא י״א:ל״ז

    וכי יפל מנבלתם על כל זרע זרוע אשר יזרע טהור הוא׃

  17. וַיִּקְרָא י״א:ל״ח

    וכי יתן מים על זרע ונפל מנבלתם עליו טמא הוא לכם׃

  18. וַיִּקְרָא י״א:ל״ט

    וכי ימות מן הבהמה אשר היא לכם לאכלה הנגע בנבלתה יטמא עד הערב׃

  19. וַיִּקְרָא י״א:מ׳

    והאכל מנבלתה יכבס בגדיו וטמא עד הערב והנשא את נבלתה יכבס בגדיו וטמא עד הערב׃

  20. וַיִּקְרָא י״ג:ב׳

    אדם כי יהיה בעור בשרו שאת או ספחת או בהרת והיה בעור בשרו לנגע צרעת והובא אל אהרן הכהן או אל אחד מבניו הכהנים׃

  21. וַיִּקְרָא י״ג:ג׳

    וראה הכהן את הנגע בעור הבשר ושער בנגע הפך לבן ומראה הנגע עמק מעור בשרו נגע צרעת הוא וראהו הכהן וטמא אתו׃

  22. וַיִּקְרָא י״ג:ד׳

    ואם בהרת לבנה הוא בעור בשרו ועמק אין מראה מן העור ושערה לא הפך לבן והסגיר הכהן את הנגע שבעת ימים׃

  23. וַיִּקְרָא י״ג:ה׳

    וראהו הכהן ביום השביעי והנה הנגע עמד בעיניו לא פשה הנגע בעור והסגירו הכהן שבעת ימים שנית׃

  24. וַיִּקְרָא י״ג:ו׳

    וראה הכהן אתו ביום השביעי שנית והנה כהה הנגע ולא פשה הנגע בעור וטהרו הכהן מספחת היא וכבס בגדיו וטהר׃

  25. וַיִּקְרָא י״ג:ז׳

    ואם פשה תפשה המספחת בעור אחרי הראתו אל הכהן לטהרתו ונראה שנית אל הכהן׃