פסוקים על Sanitation

289 פסוקים · 10 היבטים

פסוקי מפתח

סינון לפי ספר
  1. וַיִּקְרָא י״ד:נ״ד

    זאת התורה לכל נגע הצרעת ולנתק׃

  2. וַיִּקְרָא י״ד:נ״ה

    ולצרעת הבגד ולבית׃

  3. וַיִּקְרָא י״ד:נ״ו

    ולשאת ולספחת ולבהרת׃

  4. וַיִּקְרָא י״ד:נ״ז

    להורת ביום הטמא וביום הטהר זאת תורת הצרעת׃

  5. וַיִּקְרָא ט״ו:ב׳

    דברו אל בני ישראל ואמרתם אלהם איש איש כי יהיה זב מבשרו זובו טמא הוא׃

  6. וַיִּקְרָא ט״ו:ג׳

    וזאת תהיה טמאתו בזובו רר בשרו את זובו או החתים בשרו מזובו טמאתו הוא׃

  7. וַיִּקְרָא ט״ו:ד׳

    כל המשכב אשר ישכב עליו הזב יטמא וכל הכלי אשר ישב עליו יטמא׃

  8. וַיִּקְרָא ט״ו:ה׳

    ואיש אשר יגע במשכבו יכבס בגדיו ורחץ במים וטמא עד הערב׃

  9. וַיִּקְרָא ט״ו:ו׳

    והישב על הכלי אשר ישב עליו הזב יכבס בגדיו ורחץ במים וטמא עד הערב׃

  10. וַיִּקְרָא ט״ו:ז׳

    והנגע בבשר הזב יכבס בגדיו ורחץ במים וטמא עד הערב׃

  11. וַיִּקְרָא ט״ו:ח׳

    וכי ירק הזב בטהור וכבס בגדיו ורחץ במים וטמא עד הערב׃

  12. וַיִּקְרָא ט״ו:ט׳

    וכל המרכב אשר ירכב עליו הזב יטמא׃

  13. וַיִּקְרָא ט״ו:י׳

    וכל הנגע בכל אשר יהיה תחתיו יטמא עד הערב והנושא אותם יכבס בגדיו ורחץ במים וטמא עד הערב׃

  14. וַיִּקְרָא ט״ו:י״א

    וכל אשר יגע בו הזב וידיו לא שטף במים וכבס בגדיו ורחץ במים וטמא עד הערב׃

  15. וַיִּקְרָא ט״ו:י״ב

    וכלי חרש אשר יגע בו הזב ישבר וכל כלי עץ ישטף במים׃

  16. וַיִּקְרָא ט״ו:י״ג

    וכי יטהר הזב מזובו וספר לו שבעת ימים לטהרתו וכבס בגדיו ורחץ בשרו במים חיים וטהר׃

  17. וַיִּקְרָא ט״ו:ט״ז

    ואיש כי תצא ממנו שכבת זרע ורחץ במים את כל בשרו וטמא עד הערב׃

  18. וַיִּקְרָא ט״ו:י״ז

    וכל בגד וכל עור אשר יהיה עליו שכבת זרע וכבס במים וטמא עד הערב׃

  19. וַיִּקְרָא ט״ו:י״ח

    ואשה אשר ישכב איש אתה שכבת זרע ורחצו במים וטמאו עד הערב׃

  20. וַיִּקְרָא ט״ו:י״ט

    ואשה כי תהיה זבה דם יהיה זבה בבשרה שבעת ימים תהיה בנדתה וכל הנגע בה יטמא עד הערב׃

  21. וַיִּקְרָא ט״ו:כ׳

    וכל אשר תשכב עליו בנדתה יטמא וכל אשר תשב עליו יטמא׃

  22. וַיִּקְרָא ט״ו:כ״א

    וכל הנגע במשכבה יכבס בגדיו ורחץ במים וטמא עד הערב׃

  23. וַיִּקְרָא ט״ו:כ״ב

    וכל הנגע בכל כלי אשר תשב עליו יכבס בגדיו ורחץ במים וטמא עד הערב׃

  24. וַיִּקְרָא ט״ו:כ״ג

    ואם על המשכב הוא או על הכלי אשר הוא ישבת עליו בנגעו בו יטמא עד הערב׃

  25. וַיִּקְרָא ט״ו:כ״ד

    ואם שכב ישכב איש אתה ותהי נדתה עליו וטמא שבעת ימים וכל המשכב אשר ישכב עליו יטמא׃