פסוקים על Prophecies Respecting Christ

כסאך אלהים עולם ועד שבט מישר שבט מלכותך׃

אהבת צדק ותשנא רשע על כן משחך אלהים אלהיך שמן ששון מחבריך׃

כי לא אויב יחרפני ואשא לא משנאי עלי הגדיל ואסתר ממנו׃

ואתה אנוש כערכי אלופי ומידעי׃

אשר יחדו נמתיק סוד בבית אלהים נהלך ברגש׃

עלית למרום שבית שבי לקחת מתנות באדם ואף סוררים לשכן יה אלהים׃

רבו משערות ראשי שנאי חנם עצמו מצמיתי איבי שקר אשר לא גזלתי אז אשיב׃

כי עליך נשאתי חרפה כסתה כלמה פני׃

מוזר הייתי לאחי ונכרי לבני אמי׃

כי קנאת ביתך אכלתני וחרפות חורפיך נפלו עלי׃

חרפה שברה לבי ואנושה ואקוה לנוד ואין ולמנחמים ולא מצאתי׃

ויתנו בברותי ראש ולצמאי ישקוני חמץ׃

וירד מים עד ים ומנהר עד אפסי ארץ׃

מלכי תרשיש ואיים מנחה ישיבו מלכי שבא וסבא אשכר יקריבו׃

אפתחה במשל פי אביעה חידות מני קדם׃

¶ לדוד מזמור נאם יהוה לאדני שב לימיני עד אשית איביך הדם לרגליך׃

נשבע יהוה ולא ינחם אתה כהן לעולם על דברתי מלכי צדק׃

אבן מאסו הבונים היתה לראש פנה׃

נשבע יהוה לדוד אמת לא ישוב ממנה מפרי בטנך אשית לכסא לך׃

לכן יתן אדני הוא לכם אות הנה העלמה הרה וילדת בן וקראת שמו עמנו אל׃

והיה למקדש ולאבן נגף ולצור מכשול לשני בתי ישראל לפח ולמוקש ליושב ירושלם׃

¶ כי לא מועף לאשר מוצק לה כעת הראשון הקל ארצה זבלון וארצה נפתלי והאחרון הכביד דרך הים עבר הירדן גליל הגוים׃

העם ההלכים בחשך ראו אור גדול ישבי בארץ צלמות אור נגה עליהם׃

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת׃

ונחה עליו רוח יהוה רוח חכמה ובינה רוח עצה וגבורה רוח דעת ויראת יהוה׃