פסוקים על Philosophy

משגיא לגוים ויאבדם שטח לגוים וינחם׃

מסיר לב ראשי עם הארץ ויתעם בתהו לא דרך׃

הן זאת לא צדקת אענך כי ירבה אלוה מאנוש׃

מדוע אליו ריבות כי כל דבריו לא יענה׃

כי באחת ידבר אל ובשתים לא ישורנה׃

בחלום חזיון לילה בנפל תרדמה על אנשים בתנומות עלי משכב׃

אז יגלה אזן אנשים ובמסרם יחתם׃

להסיר אדם מעשה וגוה מגבר יכסה׃

יחשך נפשו מני שחת וחיתו מעבר בשלח׃

והוכח במכאוב על משכבו וריב עצמיו אתן׃

וזהמתו חיתו לחם ונפשו מאכל תאוה׃

יכל בשרו מראי ושפי עצמותיו לא ראו׃

ותקרב לשחת נפשו וחיתו לממתים׃

אם יש עליו מלאך מליץ אחד מני אלף להגיד לאדם ישרו׃

ויחננו ויאמר פדעהו מרדת שחת מצאתי כפר׃

רטפש בשרו מנער ישוב לימי עלומיו׃

יעתר אל אלוה וירצהו וירא פניו בתרועה וישב לאנוש צדקתו׃

ישר על אנשים ויאמר חטאתי וישר העויתי ולא שוה לי׃

פדה נפשי מעבר בשחת וחיתי באור תראה׃

הן כל אלה יפעל אל פעמים שלוש עם גבר׃

להשיב נפשו מני שחת לאור באור החיים׃

כבד אלהים הסתר דבר וכבד מלכים חקר דבר׃

וגם מקצת הפילוסופים מתלמידי אפיקורוס ומחברת האסטוא התגרו בו ויש אשר אמרו מה יאמר המפטפט הלז ואחרים אמרים כפי הנראה הוא מגיד אלהי נכר יען כי בשר אתם את ישוע ואת התחיה׃

יען אשר דעת האלהים גלויה בקרבם כי האלהים הודיעם אותה׃

כי מהותו הנעלמה היא כחו הנצחי ואלהותו מעת נברא העולם תודע במעשים ותראה לבלתי היות להם להתנצל׃