פסוקים על Pharaoh

35 פסוקים · 6 היבטים

פסוקי מפתח

בְּרֵאשִׁית י״ב:י״ד
ויהי כבוא אברם מצרימה ויראו המצרים את האשה כי יפה הוא מאד׃
בְּרֵאשִׁית י״ב:ט״ו
ויראו אתה שרי פרעה ויהללו אתה אל פרעה ותקח האשה בית פרעה׃
בְּרֵאשִׁית י״ב:ט״ז
ולאברם היטיב בעבורה ויהי לו צאן ובקר וחמרים ועבדים ושפחת ואתנת וגמלים׃
בְּרֵאשִׁית י״ב:י״ז
וינגע יהוה את פרעה נגעים גדלים ואת ביתו על דבר שרי אשת אברם׃
בְּרֵאשִׁית י״ב:י״ח
ויקרא פרעה לאברם ויאמר מה זאת עשית לי למה לא הגדת לי כי אשתך הוא׃
בְּרֵאשִׁית י״ב:י״ט
למה אמרת אחתי הוא ואקח אתה לי לאשה ועתה הנה אשתך קח ולך׃
בְּרֵאשִׁית י״ב:כ׳
ויצו עליו פרעה אנשים וישלחו אתו ואת אשתו ואת כל אשר לו׃
1 מְלָכִים ג׳:א׳
¶ ויתחתן שלמה את פרעה מלך מצרים ויקח את בת פרעה ויביאה אל עיר דוד עד כלתו לבנות את ביתו ואת בית יהוה ואת חומת ירושלם סביב׃
1 מְלָכִים ט׳:ט״ז
פרעה מלך מצרים עלה וילכד את גזר וישרפה באש ואת הכנעני הישב בעיר הרג ויתנה שלחים לבתו אשת שלמה׃
1 מְלָכִים י״א:י״ז
ויברח אדד הוא ואנשים אדמיים מעבדי אביו אתו לבוא מצרים והדד נער קטן׃
1 מְלָכִים י״א:י״ח
ויקמו ממדין ויבאו פארן ויקחו אנשים עמם מפארן ויבאו מצרים אל פרעה מלך מצרים ויתן לו בית ולחם אמר לו וארץ נתן לו׃
1 מְלָכִים י״א:י״ט
וימצא הדד חן בעיני פרעה מאד ויתן לו אשה את אחות אשתו אחות תחפניס הגבירה׃
1 מְלָכִים י״א:כ׳
ותלד לו אחות תחפניס את גנבת בנו ותגמלהו תחפנס בתוך בית פרעה ויהי גנבת בית פרעה בתוך בני פרעה׃
1 מְלָכִים י״א:כ״א
והדד שמע במצרים כי שכב דוד עם אבתיו וכי מת יואב שר הצבא ויאמר הדד אל פרעה שלחני ואלך אל ארצי׃
1 מְלָכִים י״א:כ״ב
ויאמר לו פרעה כי מה אתה חסר עמי והנך מבקש ללכת אל ארצך ויאמר לא כי שלח תשלחני׃
2 מְלָכִים י״ח:כ״א
עתה הנה בטחת לך על משענת הקנה הרצוץ הזה על מצרים אשר יסמך איש עליו ובא בכפו ונקבה כן פרעה מלך מצרים לכל הבטחים עליו׃
2 מְלָכִים כ״ג:כ״ט
בימיו עלה פרעה נכה מלך מצרים על מלך אשור על נהר פרת וילך המלך יאשיהו לקראתו וימיתהו במגדו כראתו אתו׃
2 מְלָכִים כ״ג:ל׳
וירכבהו עבדיו מת ממגדו ויבאהו ירושלם ויקברהו בקברתו ויקח עם הארץ את יהואחז בן יאשיהו וימשחו אתו וימליכו אתו תחת אביו׃
2 מְלָכִים כ״ג:ל״א
בן עשרים ושלש שנה יהואחז במלכו ושלשה חדשים מלך בירושלם ושם אמו חמוטל בת ירמיהו מלבנה׃
2 מְלָכִים כ״ג:ל״ב
ויעש הרע בעיני יהוה ככל אשר עשו אבתיו׃
2 מְלָכִים כ״ג:ל״ג
ויאסרהו פרעה נכה ברבלה בארץ חמת במלך בירושלם ויתן ענש על הארץ מאה ככר כסף וככר זהב׃
2 מְלָכִים כ״ג:ל״ד
וימלך פרעה נכה את אליקים בן יאשיהו תחת יאשיהו אביו ויסב את שמו יהויקים ואת יהואחז לקח ויבא מצרים וימת שם׃
2 מְלָכִים כ״ג:ל״ה
והכסף והזהב נתן יהויקים לפרעה אך העריך את הארץ לתת את הכסף על פי פרעה איש כערכו נגש את הכסף ואת הזהב את עם הארץ לתת לפרעה נכה׃
2 מְלָכִים כ״ד:ז׳
ולא הסיף עוד מלך מצרים לצאת מארצו כי לקח מלך בבל מנחל מצרים עד נהר פרת כל אשר היתה למלך מצרים׃
1 דִּבְרֵי הַיָּמִים ד׳:י״ח
ואשתו היהדיה ילדה את ירד אבי גדור ואת חבר אבי שוכו ואת יקותיאל אבי זנוח ואלה בני בתיה בת פרעה אשר לקח מרד׃

מציג 1–25 מתוך 35 פסוקים

1 2 הבא