פסוקים על Offerings: Unavailing when not accompanied by piety

ויאמר שמואל החפץ ליהוה בעלות וזבחים כשמע בקול יהוה הנה שמע מזבח טוב להקשיב מחלב אילים׃

זבח ומנחה לא חפצת אזנים כרית לי עולה וחטאה לא שאלת׃

לא על זבחיך אוכיחך ועולתיך לנגדי תמיד׃

לא אקח מביתך פר ממכלאתיך עתודים׃

כי לי כל חיתו יער בהמות בהררי אלף׃

ידעתי כל עוף הרים וזיז שדי עמדי׃

אם ארעב לא אמר לך כי לי תבל ומלאה׃

האוכל בשר אבירים ודם עתודים אשתה׃

זבח לאלהים תודה ושלם לעליון נדריך׃

כי לא תחפץ זבח ואתנה עולה לא תרצה׃

זבחי אלהים רוח נשברה לב נשבר ונדכה אלהים לא תבזה׃

עשה צדקה ומשפט נבחר ליהוה מזבח׃

זבח רשעים תועבה אף כי בזמה יביאנו׃

למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי׃

כי תבאו לראות פני מי בקש זאת מידכם רמס חצרי׃

לא תוסיפו הביא מנחת שוא קטרת תועבה היא לי חדש ושבת קרא מקרא לא אוכל און ועצרה׃

חדשיכם ומועדיכם שנאה נפשי היו עלי לטרח נלאיתי נשא׃

ולבנון אין די בער וחיתו אין די עולה׃

שוחט השור מכה איש זובח השה ערף כלב מעלה מנחה דם חזיר מזכיר לבנה מברך און גם המה בחרו בדרכיהם ובשקוציהם נפשם חפצה׃

למה זה לי לבונה משבא תבוא וקנה הטוב מארץ מרחק עלותיכם לא לרצון וזבחיכם לא ערבו לי׃

כה אמר יהוה צבאות אלהי ישראל עלותיכם ספו על זבחיכם ואכלו בשר׃

כי לא דברתי את אבותיכם ולא צויתים ביום הוציא אותם מארץ מצרים על דברי עולה וזבח׃

כי אם את הדבר הזה צויתי אותם לאמר שמעו בקולי והייתי לכם לאלהים ואתם תהיו לי לעם והלכתם בכל הדרך אשר אצוה אתכם למען ייטב לכם׃

כי יצמו אינני שמע אל רנתם וכי יעלו עלה ומנחה אינני רצם כי בחרב וברעב ובדבר אנכי מכלה אותם׃

כי חסד חפצתי ולא זבח ודעת אלהים מעלות׃