פסוקים על Offerings: Vow

14 פסוקים · 61 היבטים

פסוקים על Vow

  1. וַיִּקְרָא ז׳:ט״ז

    ואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל׃

  2. וַיִּקְרָא ז׳:י״ז

    והנותר מבשר הזבח ביום השלישי באש ישרף׃

  3. וַיִּקְרָא כ״ב:י״ז

    וידבר יהוה אל משה לאמר׃

  4. וַיִּקְרָא כ״ב:י״ח

    דבר אל אהרן ואל בניו ואל כל בני ישראל ואמרת אלהם איש איש מבית ישראל ומן הגר בישראל אשר יקריב קרבנו לכל נדריהם ולכל נדבותם אשר יקריבו ליהוה לעלה׃

  5. וַיִּקְרָא כ״ב:י״ט

    לרצנכם תמים זכר בבקר בכשבים ובעזים׃

  6. וַיִּקְרָא כ״ב:כ׳

    כל אשר בו מום לא תקריבו כי לא לרצון יהיה לכם׃

  7. וַיִּקְרָא כ״ב:כ״א

    ואיש כי יקריב זבח שלמים ליהוה לפלא נדר או לנדבה בבקר או בצאן תמים יהיה לרצון כל מום לא יהיה בו׃

  8. וַיִּקְרָא כ״ב:כ״ב

    עורת או שבור או חרוץ או יבלת או גרב או ילפת לא תקריבו אלה ליהוה ואשה לא תתנו מהם על המזבח ליהוה׃

  9. וַיִּקְרָא כ״ב:כ״ג

    ושור ושה שרוע וקלוט נדבה תעשה אתו ולנדר לא ירצה׃

  10. וַיִּקְרָא כ״ב:כ״ד

    ומעוך וכתות ונתוק וכרות לא תקריבו ליהוה ובארצכם לא תעשו׃

  11. וַיִּקְרָא כ״ב:כ״ה

    ומיד בן נכר לא תקריבו את לחם אלהיכם מכל אלה כי משחתם בהם מום בם לא ירצו לכם׃

  12. דְּבָרִים כ״ג:כ״א

    כי תדר נדר ליהוה אלהיך לא תאחר לשלמו כי דרש ידרשנו יהוה אלהיך מעמך והיה בך חטא׃

  13. דְּבָרִים כ״ג:כ״ב

    וכי תחדל לנדר לא יהיה בך חטא׃

  14. דְּבָרִים כ״ג:כ״ג

    מוצא שפתיך תשמר ועשית כאשר נדרת ליהוה אלהיך נדבה אשר דברת בפיך׃