פסוקים על Mountains

מכין הרים בכחו נאזר בגבורה׃

הר אלהים הר בשן הר גבננים הר בשן׃

ישאו הרים שלום לעם וגבעות בצדקה׃

אשר בידו מחקרי ארץ ותועפות הרים לו׃

הרים כדונג נמסו מלפני יהוה מלפני אדון כל הארץ׃

תהום כלבוש כסיתו על הרים יעמדו מים׃

יעלו הרים ירדו בקעות אל מקום זה יסדת להם׃

גבול שמת בל יעברון בל ישובון לכסות הארץ׃

המשלח מעינים בנחלים בין הרים יהלכון׃

משקה הרים מעליותיו מפרי מעשיך תשבע הארץ׃

הרים הגבהים ליעלים סלעים מחסה לשפנים׃

המביט לארץ ותרעד יגע בהרים ויעשנו׃

ההרים רקדו כאילים גבעות כבני צאן׃

ההרים תרקדו כאילים גבעות כבני צאן׃

ירושלם הרים סביב לה ויהוה סביב לעמו מעתה ועד עולם׃

יהוה הט שמיך ותרד גע בהרים ויעשנו׃

המכסה שמים בעבים המכין לארץ מטר המצמיח הרים חציר׃

ההרים וכל גבעות עץ פרי וכל ארזים׃

גלה חציר ונראה דשא ונאספו עשבות הרים׃

קול דודי הנה זה בא מדלג על ההרים מקפץ על הגבעות׃

¶ הנך יפה רעיתי הנך יפה עיניך יונים מבעד לצמתך שערך כעדר העזים שגלשו מהר גלעד׃

עד שיפוח היום ונסו הצללים אלך לי אל הר המור ואל גבעת הלבונה׃

אתי מלבנון כלה אתי מלבנון תבואי תשורי מראש אמנה מראש שניר וחרמון ממענות אריות מהררי נמרים׃

ברח דודי ודמה לך לצבי או לעפר האילים על הרי בשמים׃

והיה באחרית הימים נכון יהיה הר בית יהוה בראש ההרים ונשא מגבעות ונהרו אליו כל הגוים׃