פסוקים על Miracles

וינסו אל בלבבם לשאל אכל לנפשם׃

וידברו באלהים אמרו היוכל אל לערך שלחן במדבר׃

הן הכה צור ויזובו מים ונחלים ישטפו הגם לחם יוכל תת אם יכין שאר לעמו׃

לכן שמע יהוה ויתעבר ואש נשקה ביעקב וגם אף עלה בישראל׃

כי לא האמינו באלהים ולא בטחו בישועתו׃

ויצו שחקים ממעל ודלתי שמים פתח׃

וימטר עליהם מן לאכל ודגן שמים נתן למו׃

לחם אבירים אכל איש צידה שלח להם לשבע׃

יסע קדים בשמים וינהג בעזו תימן׃

וימטר עליהם כעפר שאר וכחול ימים עוף כנף׃

ויפל בקרב מחנהו סביב למשכנתיו׃

ויאכלו וישבעו מאד ותאותם יבא להם׃

לא זרו מתאותם עוד אכלם בפיהם׃

ואף אלהים עלה בהם ויהרג במשמניהם ובחורי ישראל הכריע׃

בכל זאת חטאו עוד ולא האמינו בנפלאותיו׃

זכרו נפלאותיו אשר עשה מפתיו ומשפטי פיו׃

אבותינו במצרים לא השכילו נפלאותיך לא זכרו את רב חסדיך וימרו על ים בים סוף׃

ויגער בים סוף ויחרב ויוליכם בתהמות כמדבר׃

ויושיעם מיד שונא ויגאלם מיד אויב׃

ויכסו מים צריהם אחד מהם לא נותר׃

ויאמינו בדבריו ישירו תהלתו׃

לכן הנני יוסף להפליא את העם הזה הפלא ופלא ואבדה חכמת חכמיו ובינת נבניו תסתתר׃

אשר שמת אתות ומפתים בארץ מצרים עד היום הזה ובישראל ובאדם ותעשה לך שם כיום הזה׃

ותצא את עמך את ישראל מארץ מצרים באתות ובמופתים וביד חזקה ובאזרוע נטויה ובמורא גדול׃

ענה מלכא לדניאל ואמר מן קשט די אלהכון הוא אלה אלהין ומרא מלכין וגלה רזין די יכלת למגלא רזה דנה׃