פסוקים על Judge

91 פסוקים · 6 היבטים

פסוקי מפתח

1 מְלָכִים ג׳:י״ט
וימת בן האשה הזאת לילה אשר שכבה עליו׃
1 מְלָכִים ג׳:כ׳
ותקם בתוך הלילה ותקח את בני מאצלי ואמתך ישנה ותשכיבהו בחיקה ואת בנה המת השכיבה בחיקי׃
1 מְלָכִים ג׳:כ״א
ואקם בבקר להיניק את בני והנה מת ואתבונן אליו בבקר והנה לא היה בני אשר ילדתי׃
1 מְלָכִים ג׳:כ״ב
ותאמר האשה האחרת לא כי בני החי ובנך המת וזאת אמרת לא כי בנך המת ובני החי ותדברנה לפני המלך׃
1 מְלָכִים ג׳:כ״ג
ויאמר המלך זאת אמרת זה בני החי ובנך המת וזאת אמרת לא כי בנך המת ובני החי׃
1 מְלָכִים ג׳:כ״ד
ויאמר המלך קחו לי חרב ויבאו החרב לפני המלך׃
1 מְלָכִים ג׳:כ״ה
ויאמר המלך גזרו את הילד החי לשנים ותנו את החצי לאחת ואת החצי לאחת׃
1 מְלָכִים ג׳:כ״ו
ותאמר האשה אשר בנה החי אל המלך כי נכמרו רחמיה על בנה ותאמר בי אדני תנו לה את הילוד החי והמת אל תמיתהו וזאת אמרת גם לי גם לך לא יהיה גזרו׃
1 מְלָכִים ג׳:כ״ז
ויען המלך ויאמר תנו לה את הילוד החי והמת לא תמיתהו היא אמו׃
1 מְלָכִים ג׳:כ״ח
וישמעו כל ישראל את המשפט אשר שפט המלך ויראו מפני המלך כי ראו כי חכמת אלהים בקרבו לעשות משפט׃
2 מְלָכִים ח׳:א׳
¶ ואלישע דבר אל האשה אשר החיה את בנה לאמר קומי ולכי אתי וביתך וגורי באשר תגורי כי קרא יהוה לרעב וגם בא אל הארץ שבע שנים׃
2 מְלָכִים ח׳:ב׳
ותקם האשה ותעש כדבר איש האלהים ותלך היא וביתה ותגר בארץ פלשתים שבע שנים׃
2 מְלָכִים ח׳:ג׳
ויהי מקצה שבע שנים ותשב האשה מארץ פלשתים ותצא לצעק אל המלך אל ביתה ואל שדה׃
2 מְלָכִים ח׳:ד׳
והמלך מדבר אל גחזי נער איש האלהים לאמר ספרה נא לי את כל הגדלות אשר עשה אלישע׃
2 מְלָכִים ח׳:ה׳
ויהי הוא מספר למלך את אשר החיה את המת והנה האשה אשר החיה את בנה צעקת אל המלך על ביתה ועל שדה ויאמר גחזי אדני המלך זאת האשה וזה בנה אשר החיה אלישע׃
2 מְלָכִים ח׳:ו׳
וישאל המלך לאשה ותספר לו ויתן לה המלך סריס אחד לאמר השיב את כל אשר לה ואת כל תבואת השדה מיום עזבה את הארץ ועד עתה׃
2 דִּבְרֵי הַיָּמִים י״ט:ה׳
ויעמד שפטים בארץ בכל ערי יהודה הבצרות לעיר ועיר׃
2 דִּבְרֵי הַיָּמִים י״ט:ו׳
ויאמר אל השפטים ראו מה אתם עשים כי לא לאדם תשפטו כי ליהוה ועמכם בדבר משפט׃
2 דִּבְרֵי הַיָּמִים י״ט:ז׳
ועתה יהי פחד יהוה עליכם שמרו ועשו כי אין עם יהוה אלהינו עולה ומשא פנים ומקח שחד׃
2 דִּבְרֵי הַיָּמִים י״ט:ח׳
וגם בירושלם העמיד יהושפט מן הלוים והכהנים ומראשי האבות לישראל למשפט יהוה ולריב וישבו ירושלם׃
2 דִּבְרֵי הַיָּמִים י״ט:ט׳
ויצו עליהם לאמר כה תעשון ביראת יהוה באמונה ובלבב שלם׃
2 דִּבְרֵי הַיָּמִים י״ט:י׳
וכל ריב אשר יבוא עליכם מאחיכם הישבים בעריהם בין דם לדם בין תורה למצוה לחקים ולמשפטים והזהרתם אתם ולא יאשמו ליהוה והיה קצף עליכם ועל אחיכם כה תעשון ולא תאשמו׃
תְהִלִּים נ״ח:א׳
¶ למנצח אל תשחת לדוד מכתם האמנם אלם צדק תדברון מישרים תשפטו בני אדם׃
תְהִלִּים נ״ח:ב׳
אף בלב עולת תפעלון בארץ חמס ידיכם תפלסון׃
תְהִלִּים ע״ב:א׳
¶ לשלמה אלהים משפטיך למלך תן וצדקתך לבן מלך׃

מציג 26–50 מתוך 91 פסוקים

הקודם 1 2 3 4 הבא