פסוקים על Gospel

ברחמי חסד אלהינו אשר בהם פקדנו הנגה ממרום׃

להאיר לישבי חשך וצלמות ולהכין את רגלינו אל דרך השלום׃

ויאמר אליהם המלאך אל תיראו כי הנני מבשר אתכם שמחה גדולה אשר תהיה לכל העם׃

כי היום ילד לכם בעיר דוד מושיע אשר הוא המשיח האדון׃

וזה לכם האות תמצאון ילד מחתל ומנח באבוס׃

ויהי פתאם אצל המלאך המון צבא השמים והם משבחים את האלהים ואמרים׃

כבוד במרומים לאלהים ובארץ שלום בבני אדם רצונו׃

רוח אדני עלי יען משח אתי לבשר ענוים׃

שלחני לחבש לנשברי לב לקרא לשבוים דרור ולעורים פקח קוח לשלח רצוצים חפשים לקרא שנת רצון ליהוה׃

ויפן אל תלמידיו לבדם ויאמר אשרי העינים הראות את אשר אתם ראים׃

כי אני אמר לכם נביאים ומלכים רבים חפצו לראות את אשר אתם ראים ולא ראו ולשמע את אשר אתם שמעים ולא שמעו׃

וישאלהו הפרושים מתי תבוא מלכות האלהים ויען אתם לאמר מלכות האלהים לא תבוא במראה עינים׃

ולא יאמרו הנה פה או הנה שם כי מלכות האלהים הנה בקרבכם היא׃

וממלואו לקחנו כלנו חסד על חסד׃

כי התורה נתנה ביד משה והחסד והאמת באו על ידי ישוע המשיח׃

ועתה ידעו כי כל אשר נתת לי מעמך הוא׃

כי הדברים אשר נתת לי נתתי להם והם קבלום ויכירו באמת כי מעמך יצאתי ויאמינו כי אתה שלחתני׃

ואנחנו מבשרים אתכם את בשורת ההבטחה אשר היתה לאבותינו כי אתה מלא האלהים לבנינו בהקימו את ישוע׃

ככתוב במזמור השני בני אתה היום ילדתיך׃

כי אינני בוש מבשורת המשיח באשר גבורת אלהים היא לתשועת כל המאמין ליהודי בראשונה וכן גם ליוני׃

כי תגלה בה צדקת אלהים מאמונה אל אמונה ככתוב וצדיק באמונתו יחיה׃

ואיך יגידו אם אינם שלוחים ככתוב מה נאוו רגלי מבשר שלום מבשר טוב׃

אך לא כלם שמעו לקול הבשורה כי ישעיהו אמר יהוה מי האמין לשמעתנו׃

לכן האמונה באה מתוך השמועה והשמועה על ידי דבר אלהים׃

ואמר הכי לא שמעו אמנם בכל הארץ יצא קום ובקצה תבל מליהם׃