פסוקים על Godlessness

היגאה גמא בלא בצה ישגה אחו בלי מים׃

עדנו באבו לא יקטף ולפני כל חציר ייבש׃

כן ארחות כל שכחי אל ותקות חנף תאבד׃

יהוה משמים השקיף על בני אדם לראות היש משכיל דרש את אלהים׃

הכל סר יחדו נאלחו אין עשה טוב אין גם אחד׃

אלהים משמים השקיף על בני אדם לראות היש משכיל דרש את אלהים׃

כלו סג יחדו נאלחו אין עשה טוב אין גם אחד׃

¶ הוי בנים סוררים נאם יהוה לעשות עצה ולא מני ולנסך מסכה ולא רוחי למען ספות חטאת על חטאת׃

ההלכים לרדת מצרים ופי לא שאלו לעוז במעוז פרעה ולחסות בצל מצרים׃

כי עם מרי הוא בנים כחשים בנים לא אבו שמוע תורת יהוה׃

אשר אמרו לראים לא תראו ולחזים לא תחזו לנו נכחות דברו לנו חלקות חזו מהתלות׃

סורו מני דרך הטו מני ארח השביתו מפנינו את קדוש ישראל׃

לכן כה אמר קדוש ישראל יען מאסכם בדבר הזה ותבטחו בעשק ונלוז ותשענו עליו׃

לכן יהיה לכם העון הזה כפרץ נפל נבעה בחומה נשגבה אשר פתאם לפתע יבוא שברה׃

ובל יאמרו ללבבם כל רעתם זכרתי עתה סבבום מעלליהם נגד פני היו׃

ברעתם ישמחו מלך ובכחשיהם שרים׃

כלם מנאפים כמו תנור בערה מאפה ישבות מעיר מלוש בצק עד חמצתו׃

השנא אתי ישנא גם את אבי׃

לולא עשיתי בתוכם את המעשים אשר איש זולתי לא עשה לא היה בהם חטא ועתה ראו וישנאו גם אתי גם את אבי׃

אך למלאת דבר הכתוב בתורתם שנאת חנם שנאוני׃

יען בדעתם את האלהים לא כבדהו כאלהים וגם לא הודו לו כי אם הלכו אחרי ההבל במועצותיהם ויחשך לבם הנבער׃

ובאמרם חכמים אנחנו היו לכסילים׃

כי מחשבת הבשר היא המות ומחשבת הרוח היא החיים והשלום׃

יען מחשבת הבשר רק שנאת אלהים היא באשר לא תשתעבד לתורת האלהים ואף איננה יכולה׃

ואשר המה בבשר לא יוכלו להיות רצוים לאלהים׃