פסוקים על Gath

24 פסוקים · 15 היבטים

פסוקי מפתח

  1. 1 שְׁמוּאֵל כ״א:י׳

    ויקם דוד ויברח ביום ההוא מפני שאול ויבא אל אכיש מלך גת׃

  2. 1 שְׁמוּאֵל כ״א:י״א

    ויאמרו עבדי אכיש אליו הלוא זה דוד מלך הארץ הלוא לזה יענו במחלות לאמר הכה שאול באלפו ודוד ברבבתו׃

  3. 1 שְׁמוּאֵל כ״א:י״ב

    וישם דוד את הדברים האלה בלבבו וירא מאד מפני אכיש מלך גת׃

  4. 1 שְׁמוּאֵל כ״א:י״ג

    וישנו את טעמו בעיניהם ויתהלל בידם ויתו על דלתות השער ויורד רירו אל זקנו׃

  5. 1 שְׁמוּאֵל כ״א:י״ד

    ויאמר אכיש אל עבדיו הנה תראו איש משתגע למה תביאו אתו אלי׃

  6. 1 שְׁמוּאֵל כ״א:ט״ו

    חסר משגעים אני כי הבאתם את זה להשתגע עלי הזה יבוא אל ביתי׃

  7. 1 שְׁמוּאֵל כ״ז:ב׳

    ויקם דוד ויעבר הוא ושש מאות איש אשר עמו אל אכיש בן מעוך מלך גת׃

  8. 1 שְׁמוּאֵל כ״ז:ג׳

    וישב דוד עם אכיש בגת הוא ואנשיו איש וביתו דוד ושתי נשיו אחינעם היזרעאלית ואביגיל אשת נבל הכרמלית׃

  9. 1 שְׁמוּאֵל כ״ז:ד׳

    ויגד לשאול כי ברח דוד גת ולא יוסף עוד לבקשו׃

  10. 1 שְׁמוּאֵל כ״ז:ה׳

    ויאמר דוד אל אכיש אם נא מצאתי חן בעיניך יתנו לי מקום באחת ערי השדה ואשבה שם ולמה ישב עבדך בעיר הממלכה עמך׃

  11. 1 שְׁמוּאֵל כ״ז:ו׳

    ויתן לו אכיש ביום ההוא את צקלג לכן היתה צקלג למלכי יהודה עד היום הזה׃

  12. 1 שְׁמוּאֵל כ״ז:ז׳

    ויהי מספר הימים אשר ישב דוד בשדה פלשתים ימים וארבעה חדשים׃

  13. 2 שְׁמוּאֵל ט״ו:י״ח

    וכל עבדיו עברים על ידו וכל הכרתי וכל הפלתי וכל הגתים שש מאות איש אשר באו ברגלו מגת עברים על פני המלך׃

  14. 2 שְׁמוּאֵל ט״ו:י״ט

    ויאמר המלך אל אתי הגתי למה תלך גם אתה אתנו שוב ושב עם המלך כי נכרי אתה וגם גלה אתה למקומך׃

  15. 2 שְׁמוּאֵל ט״ו:כ׳

    תמול בואך והיום אנועך עמנו ללכת ואני הולך על אשר אני הולך שוב והשב את אחיך עמך חסד ואמת׃

  16. 2 שְׁמוּאֵל ט״ו:כ״א

    ויען אתי את המלך ויאמר חי יהוה וחי אדני המלך כי אם במקום אשר יהיה שם אדני המלך אם למות אם לחיים כי שם יהיה עבדך׃

  17. 2 שְׁמוּאֵל ט״ו:כ״ב

    ויאמר דוד אל אתי לך ועבר ויעבר אתי הגתי וכל אנשיו וכל הטף אשר אתו׃

  18. 1 מְלָכִים ב׳:ל״ט

    ויהי מקץ שלש שנים ויברחו שני עבדים לשמעי אל אכיש בן מעכה מלך גת ויגידו לשמעי לאמר הנה עבדיך בגת׃

  19. 1 מְלָכִים ב׳:מ׳

    ויקם שמעי ויחבש את חמרו וילך גתה אל אכיש לבקש את עבדיו וילך שמעי ויבא את עבדיו מגת׃

  20. 1 מְלָכִים ב׳:מ״א

    ויגד לשלמה כי הלך שמעי מירושלם גת וישב׃

  21. 1 דִּבְרֵי הַיָּמִים כ׳:ה׳

    ותהי עוד מלחמה את פלשתים ויך אלחנן בן יעור את לחמי אחי גלית הגתי ועץ חניתו כמנור ארגים׃

  22. 1 דִּבְרֵי הַיָּמִים כ׳:ו׳

    ותהי עוד מלחמה בגת ויהי איש מדה ואצבעתיו שש ושש עשרים וארבע וגם הוא נולד להרפא׃

  23. 1 דִּבְרֵי הַיָּמִים כ׳:ז׳

    ויחרף את ישראל ויכהו יהונתן בן שמעא אחי דויד׃

  24. 1 דִּבְרֵי הַיָּמִים כ׳:ח׳

    אל נולדו להרפא בגת ויפלו ביד דויד וביד עבדיו׃