פסוקים על Fasting

31 פסוקים · 41 היבטים

פסוקי מפתח

סינון לפי ספר
  1. עֶזְרָא ח׳:כ״א

    ואקרא שם צום על הנהר אהוא להתענות לפני אלהינו לבקש ממנו דרך ישרה לנו ולטפנו ולכל רכושנו׃

  2. עֶזְרָא ח׳:כ״ב

    כי בשתי לשאול מן המלך חיל ופרשים לעזרנו מאויב בדרך כי אמרנו למלך לאמר יד אלהינו על כל מבקשיו לטובה ועזו ואפו על כל עזביו׃

  3. עֶזְרָא ח׳:כ״ג

    ונצומה ונבקשה מאלהינו על זאת ויעתר לנו׃

  4. יְשַׁעְיָהוּ נ״ח:ג׳

    למה צמנו ולא ראית ענינו נפשנו ולא תדע הן ביום צמכם תמצאו חפץ וכל עצביכם תנגשו׃

  5. יְשַׁעְיָהוּ נ״ח:ד׳

    הן לריב ומצה תצומו ולהכות באגרף רשע לא תצומו כיום להשמיע במרום קולכם׃

  6. יְשַׁעְיָהוּ נ״ח:ה׳

    הכזה יהיה צום אבחרהו יום ענות אדם נפשו הלכף כאגמן ראשו ושק ואפר יציע הלזה תקרא צום ויום רצון ליהוה׃

  7. יְשַׁעְיָהוּ נ״ח:ו׳

    הלוא זה צום אבחרהו פתח חרצבות רשע התר אגדות מוטה ושלח רצוצים חפשים וכל מוטה תנתקו׃

  8. יְשַׁעְיָהוּ נ״ח:ז׳

    הלוא פרס לרעב לחמך ועניים מרודים תביא בית כי תראה ערם וכסיתו ומבשרך לא תתעלם׃

  9. יְשַׁעְיָהוּ נ״ח:ח׳

    אז יבקע כשחר אורך וארכתך מהרה תצמח והלך לפניך צדקך כבוד יהוה יאספך׃

  10. יְשַׁעְיָהוּ נ״ח:ט׳

    אז תקרא ויהוה יענה תשוע ויאמר הנני אם תסיר מתוכך מוטה שלח אצבע ודבר און׃

  11. יְשַׁעְיָהוּ נ״ח:י׳

    ותפק לרעב נפשך ונפש נענה תשביע וזרח בחשך אורך ואפלתך כצהרים׃

  12. יְשַׁעְיָהוּ נ״ח:י״א

    ונחך יהוה תמיד והשביע בצחצחות נפשך ועצמתיך יחליץ והיית כגן רוה וכמוצא מים אשר לא יכזבו מימיו׃

  13. יְשַׁעְיָהוּ נ״ח:י״ב

    ובנו ממך חרבות עולם מוסדי דור ודור תקומם וקרא לך גדר פרץ משבב נתיבות לשבת׃

  14. דָּנִיֵּאל י׳:ב׳

    בימים ההם אני דניאל הייתי מתאבל שלשה שבעים ימים׃

  15. דָּנִיֵּאל י׳:ג׳

    לחם חמדות לא אכלתי ובשר ויין לא בא אל פי וסוך לא סכתי עד מלאת שלשת שבעים ימים׃

  16. יוֹאֵל ב׳:י״ב

    וגם עתה נאם יהוה שבו עדי בכל לבבכם ובצום ובבכי ובמספד׃

  17. יוֹאֵל ב׳:י״ג

    וקרעו לבבכם ואל בגדיכם ושובו אל יהוה אלהיכם כי חנון ורחום הוא ארך אפים ורב חסד ונחם על הרעה׃

  18. יוֹנָה ג׳:ה׳

    ויאמינו אנשי נינוה באלהים ויקראו צום וילבשו שקים מגדולם ועד קטנם׃

  19. יוֹנָה ג׳:ו׳

    ויגע הדבר אל מלך נינוה ויקם מכסאו ויעבר אדרתו מעליו ויכס שק וישב על האפר׃

  20. יוֹנָה ג׳:ז׳

    ויזעק ויאמר בנינוה מטעם המלך וגדליו לאמר האדם והבהמה הבקר והצאן אל יטעמו מאומה אל ירעו ומים אל ישתו׃

  21. יוֹנָה ג׳:ח׳

    ויתכסו שקים האדם והבהמה ויקראו אל אלהים בחזקה וישבו איש מדרכו הרעה ומן החמס אשר בכפיהם׃

  22. מתיו ו׳:ט״ז

    וכי תצומו אל תהיו זעפים כחנפים המשנים את פניהם להראות צמים לבני אדם אמן אמר אני לכם כי לקחו את שכרם׃

  23. מתיו ו׳:י״ז

    ואתה כי תצום סוך את ראשך ורחץ את פניך׃

  24. מתיו ו׳:י״ח

    למען לא תראה בצומך לבני אדם כי אם לאביך אשר בסתר ואביך הראה במסתרים הוא בגלוי יגמלך׃

  25. מתיו ט׳:י״ד

    ויגשו אליו תלמידי יוחנן ויאמרו מדוע אנחנו והפרושים צמים הרבה ותלמידיך אינם צמים׃