פסוקים על En-Dor

19 פסוקים · 3 היבטים

פסוקי מפתח

  1. 1 שְׁמוּאֵל כ״ח:ז׳

    ויאמר שאול לעבדיו בקשו לי אשת בעלת אוב ואלכה אליה ואדרשה בה ויאמרו עבדיו אליו הנה אשת בעלת אוב בעין דור׃

  2. 1 שְׁמוּאֵל כ״ח:ח׳

    ויתחפש שאול וילבש בגדים אחרים וילך הוא ושני אנשים עמו ויבאו אל האשה לילה ויאמר קסומי נא לי באוב והעלי לי את אשר אמר אליך׃

  3. 1 שְׁמוּאֵל כ״ח:ט׳

    ותאמר האשה אליו הנה אתה ידעת את אשר עשה שאול אשר הכרית את האבות ואת הידעני מן הארץ ולמה אתה מתנקש בנפשי להמיתני׃

  4. 1 שְׁמוּאֵל כ״ח:י׳

    וישבע לה שאול ביהוה לאמר חי יהוה אם יקרך עון בדבר הזה׃

  5. 1 שְׁמוּאֵל כ״ח:י״א

    ותאמר האשה את מי אעלה לך ויאמר את שמואל העלי לי׃

  6. 1 שְׁמוּאֵל כ״ח:י״ב

    ותרא האשה את שמואל ותזעק בקול גדול ותאמר האשה אל שאול לאמר למה רמיתני ואתה שאול׃

  7. 1 שְׁמוּאֵל כ״ח:י״ג

    ויאמר לה המלך אל תיראי כי מה ראית ותאמר האשה אל שאול אלהים ראיתי עלים מן הארץ׃

  8. 1 שְׁמוּאֵל כ״ח:י״ד

    ויאמר לה מה תארו ותאמר איש זקן עלה והוא עטה מעיל וידע שאול כי שמואל הוא ויקד אפים ארצה וישתחו׃

  9. 1 שְׁמוּאֵל כ״ח:ט״ו

    ויאמר שמואל אל שאול למה הרגזתני להעלות אתי ויאמר שאול צר לי מאד ופלשתים נלחמים בי ואלהים סר מעלי ולא ענני עוד גם ביד הנביאם גם בחלמות ואקראה לך להודיעני מה אעשה׃

  10. 1 שְׁמוּאֵל כ״ח:ט״ז

    ויאמר שמואל ולמה תשאלני ויהוה סר מעליך ויהי ערך׃

  11. 1 שְׁמוּאֵל כ״ח:י״ז

    ויעש יהוה לו כאשר דבר בידי ויקרע יהוה את הממלכה מידך ויתנה לרעך לדוד׃

  12. 1 שְׁמוּאֵל כ״ח:י״ח

    כאשר לא שמעת בקול יהוה ולא עשית חרון אפו בעמלק על כן הדבר הזה עשה לך יהוה היום הזה׃

  13. 1 שְׁמוּאֵל כ״ח:י״ט

    ויתן יהוה גם את ישראל עמך ביד פלשתים ומחר אתה ובניך עמי גם את מחנה ישראל יתן יהוה ביד פלשתים׃

  14. 1 שְׁמוּאֵל כ״ח:כ׳

    וימהר שאול ויפל מלא קומתו ארצה וירא מאד מדברי שמואל גם כח לא היה בו כי לא אכל לחם כל היום וכל הלילה׃

  15. 1 שְׁמוּאֵל כ״ח:כ״א

    ותבוא האשה אל שאול ותרא כי נבהל מאד ותאמר אליו הנה שמעה שפחתך בקולך ואשים נפשי בכפי ואשמע את דבריך אשר דברת אלי׃

  16. 1 שְׁמוּאֵל כ״ח:כ״ב

    ועתה שמע נא גם אתה בקול שפחתך ואשמה לפניך פת לחם ואכול ויהי בך כח כי תלך בדרך׃

  17. 1 שְׁמוּאֵל כ״ח:כ״ג

    וימאן ויאמר לא אכל ויפרצו בו עבדיו וגם האשה וישמע לקלם ויקם מהארץ וישב אל המטה׃

  18. 1 שְׁמוּאֵל כ״ח:כ״ד

    ולאשה עגל מרבק בבית ותמהר ותזבחהו ותקח קמח ותלש ותפהו מצות׃

  19. 1 שְׁמוּאֵל כ״ח:כ״ה

    ותגש לפני שאול ולפני עבדיו ויאכלו ויקמו וילכו בלילה ההוא׃