פסוקים על Creditor: Oppressions of

¶ ותהי צעקת העם ונשיהם גדולה אל אחיהם היהודים׃

ויש אשר אמרים בנינו ובנתינו אנחנו רבים ונקחה דגן ונאכלה ונחיה׃

ויש אשר אמרים שדתינו וכרמינו ובתינו אנחנו ערבים ונקחה דגן ברעב׃

ויש אשר אמרים לוינו כסף למדת המלך שדתינו וכרמינו׃

ועתה כבשר אחינו בשרנו כבניהם בנינו והנה אנחנו כבשים את בנינו ואת בנתינו לעבדים ויש מבנתינו נכבשות ואין לאל ידנו ושדתינו וכרמינו לאחרים׃

ויחר לי מאד כאשר שמעתי את זעקתם ואת הדברים האלה׃

וימלך לבי עלי ואריבה את החרים ואת הסגנים ואמרה להם משא איש באחיו אתם נשאים ואתן עליהם קהלה גדולה׃

ואמרה להם אנחנו קנינו את אחינו היהודים הנמכרים לגוים כדי בנו וגם אתם תמכרו את אחיכם ונמכרו לנו ויחרישו ולא מצאו דבר׃

ויאמר לא טוב הדבר אשר אתם עשים הלוא ביראת אלהינו תלכו מחרפת הגוים אויבינו׃

וגם אני אחי ונערי נשים בהם כסף ודגן נעזבה נא את המשא הזה׃

השיבו נא להם כהיום שדתיהם כרמיהם זיתיהם ובתיהם ומאת הכסף והדגן התירוש והיצהר אשר אתם נשים בהם׃

ויאמרו נשיב ומהם לא נבקש כן נעשה כאשר אתה אומר ואקרא את הכהנים ואשביעם לעשות כדבר הזה׃

גם חצני נערתי ואמרה ככה ינער האלהים את כל האיש אשר לא יקים את הדבר הזה מביתו ומיגיעו וככה יהיה נעור ורק ויאמרו כל הקהל אמן ויהללו את יהוה ויעש העם כדבר הזה׃

משיב יגע ולא יבלע כחיל תמורתו ולא יעלס׃

כי רצץ עזב דלים בית גזל ולא יבנהו׃

כי לא ידע שלו בבטנו בחמודו לא ימלט׃

יגזלו משד יתום ועל עני יחבלו׃

ערום הלכו בלי לבוש ורעבים נשאו עמר׃

אל תהי בתקעי כף בערבים משאות׃

אם אין לך לשלם למה יקח משכבך מתחתיך׃

מהר התרצה לאיש ריבך בעודך בדרך אתו פן יסגיר אתך איש ריבך אל השפט והשפט יסגירך לשוטר והשלכת את בית הכלא׃

אמן אמר אני לך לא תצא משם עד אשר שלמת את הפרוטה האחרונה׃

ויצא העבד ההוא מלפניו וימצא אחד מחבריו העבדים והוא חיב לו מאה דינרים ויחזק בו ויחנקהו לאמר שלם את אשר אתה חיב לי׃

ויפל חברו לפני רגליו ויבקש ממנו לאמר הארך לי אפך ואשלמה לך הכל׃

והוא מאן וילך וישליכהו במשמר עד כי ישלם לו את חובו׃