פסוקים על Creditor: Laws concerning

כי תקנה עבד עברי שש שנים יעבד ובשבעת יצא לחפשי חנם׃

אם בגפו יבא בגפו יצא אם בעל אשה הוא ויצאה אשתו עמו׃

אם אדניו יתן לו אשה וילדה לו בנים או בנות האשה וילדיה תהיה לאדניה והוא יצא בגפו׃

ואם אמר יאמר העבד אהבתי את אדני את אשתי ואת בני לא אצא חפשי׃

והגישו אדניו אל האלהים והגישו אל הדלת או אל המזוזה ורצע אדניו את אזנו במרצע ועבדו לעלם׃

אם כסף תלוה את עמי את העני עמך לא תהיה לו כנשה לא תשימון עליו נשך׃

אם חבל תחבל שלמת רעך עד בא השמש תשיבנו לו׃

כי הוא כסותה לבדה הוא שמלתו לערו במה ישכב והיה כי יצעק אלי ושמעתי כי חנון אני׃

וכי תמכרו ממכר לעמיתך או קנה מיד עמיתך אל תונו איש את אחיו׃

במספר שנים אחר היובל תקנה מאת עמיתך במספר שני תבואת ימכר לך׃

לפי רב השנים תרבה מקנתו ולפי מעט השנים תמעיט מקנתו כי מספר תבואת הוא מכר לך׃

ולא תונו איש את עמיתו ויראת מאלהיך כי אני יהוה אלהיכם׃

וכי ימוך אחיך ומטה ידו עמך והחזקת בו גר ותושב וחי עמך׃

אל תקח מאתו נשך ותרבית ויראת מאלהיך וחי אחיך עמך׃

את כספך לא תתן לו בנשך ובמרבית לא תתן אכלך׃

וזה דבר השמטה שמוט כל בעל משה ידו אשר ישה ברעהו לא יגש את רעהו ואת אחיו כי קרא שמטה ליהוה׃

את הנכרי תגש ואשר יהיה לך את אחיך תשמט ידך׃

לא תשיך לאחיך נשך כסף נשך אכל נשך כל דבר אשר ישך׃

לנכרי תשיך ולאחיך לא תשיך למען יברכך יהוה אלהיך בכל משלח ידך על הארץ אשר אתה בא שמה לרשתה׃

כי תשה ברעך משאת מאומה לא תבא אל ביתו לעבט עבטו׃

בחוץ תעמד והאיש אשר אתה נשה בו יוציא אליך את העבוט החוצה׃

ואם איש עני הוא לא תשכב בעבטו׃

השב תשיב לו את העבוט כבא השמש ושכב בשלמתו וברכך ולך תהיה צדקה לפני יהוה אלהיך׃