פסוקים על Candidate: Refuses to make promises

14 פסוקים · 2 היבטים

פסוקים על Refuses to make promises

  1. 2 דִּבְרֵי הַיָּמִים י׳:ג׳

    וישלחו ויקראו לו ויבא ירבעם וכל ישראל וידברו אל רחבעם לאמר׃

  2. 2 דִּבְרֵי הַיָּמִים י׳:ד׳

    אביך הקשה את עלנו ועתה הקל מעבדת אביך הקשה ומעלו הכבד אשר נתן עלינו ונעבדך׃

  3. 2 דִּבְרֵי הַיָּמִים י׳:ה׳

    ויאמר אלהם עוד שלשת ימים ושובו אלי וילך העם׃

  4. 2 דִּבְרֵי הַיָּמִים י׳:ו׳

    ויועץ המלך רחבעם את הזקנים אשר היו עמדים לפני שלמה אביו בהיתו חי לאמר איך אתם נועצים להשיב לעם הזה דבר׃

  5. 2 דִּבְרֵי הַיָּמִים י׳:ז׳

    וידברו אליו לאמר אם תהיה לטוב להעם הזה ורציתם ודברת אלהם דברים טובים והיו לך עבדים כל הימים׃

  6. 2 דִּבְרֵי הַיָּמִים י׳:ח׳

    ויעזב את עצת הזקנים אשר יעצהו ויועץ את הילדים אשר גדלו אתו העמדים לפניו׃

  7. 2 דִּבְרֵי הַיָּמִים י׳:ט׳

    ויאמר אלהם מה אתם נועצים ונשיב דבר את העם הזה אשר דברו אלי לאמר הקל מן העל אשר נתן אביך עלינו׃

  8. 2 דִּבְרֵי הַיָּמִים י׳:י׳

    וידברו אתו הילדים אשר גדלו אתו לאמר כה תאמר לעם אשר דברו אליך לאמר אביך הכביד את עלנו ואתה הקל מעלינו כה תאמר אלהם קטני עבה ממתני אבי׃

  9. 2 דִּבְרֵי הַיָּמִים י׳:י״א

    ועתה אבי העמיס עליכם על כבד ואני אסיף על עלכם אבי יסר אתכם בשוטים ואני בעקרבים׃

  10. 2 דִּבְרֵי הַיָּמִים י׳:י״ב

    ויבא ירבעם וכל העם אל רחבעם ביום השלשי כאשר דבר המלך לאמר שובו אלי ביום השלשי׃

  11. 2 דִּבְרֵי הַיָּמִים י׳:י״ג

    ויענם המלך קשה ויעזב המלך רחבעם את עצת הזקנים׃

  12. 2 דִּבְרֵי הַיָּמִים י׳:י״ד

    וידבר אלהם כעצת הילדים לאמר אכביד את עלכם ואני אסיף עליו אבי יסר אתכם בשוטים ואני בעקרבים׃

  13. 2 דִּבְרֵי הַיָּמִים י׳:ט״ו

    ולא שמע המלך אל העם כי היתה נסבה מעם האלהים למען הקים יהוה את דברו אשר דבר ביד אחיהו השלוני אל ירבעם בן נבט׃

  14. 2 דִּבְרֵי הַיָּמִים י׳:ט״ז

    וכל ישראל כי לא שמע המלך להם וישיבו העם את המלך לאמר מה לנו חלק בדויד ולא נחלה בבן ישי איש לאהליך ישראל עתה ראה ביתך דויד וילך כל ישראל לאהליו׃