פסוקים על Baasha

28 פסוקים · 1 היבט

פסוקי מפתח

סינון לפי ספר
  1. 1 מְלָכִים ט״ו:ט״ז

    ומלחמה היתה בין אסא ובין בעשא מלך ישראל כל ימיהם׃

  2. 1 מְלָכִים ט״ו:י״ז

    ויעל בעשא מלך ישראל על יהודה ויבן את הרמה לבלתי תת יצא ובא לאסא מלך יהודה׃

  3. 1 מְלָכִים ט״ו:י״ח

    ויקח אסא את כל הכסף והזהב הנותרים באוצרות בית יהוה ואת אוצרות בית מלך ויתנם ביד עבדיו וישלחם המלך אסא אל בן הדד בן טברמן בן חזיון מלך ארם הישב בדמשק לאמר׃

  4. 1 מְלָכִים ט״ו:י״ט

    ברית ביני ובינך בין אבי ובין אביך הנה שלחתי לך שחד כסף וזהב לך הפרה את בריתך את בעשא מלך ישראל ויעלה מעלי׃

  5. 1 מְלָכִים ט״ו:כ׳

    וישמע בן הדד אל המלך אסא וישלח את שרי החילים אשר לו על ערי ישראל ויך את עיון ואת דן ואת אבל בית מעכה ואת כל כנרות על כל ארץ נפתלי׃

  6. 1 מְלָכִים ט״ו:כ״א

    ויהי כשמע בעשא ויחדל מבנות את הרמה וישב בתרצה׃

  7. 1 מְלָכִים ט״ו:כ״ב

    והמלך אסא השמיע את כל יהודה אין נקי וישאו את אבני הרמה ואת עציה אשר בנה בעשא ויבן בם המלך אסא את גבע בנימן ואת המצפה׃

  8. 1 מְלָכִים ט״ו:כ״ז

    ויקשר עליו בעשא בן אחיה לבית יששכר ויכהו בעשא בגבתון אשר לפלשתים ונדב וכל ישראל צרים על גבתון׃

  9. 1 מְלָכִים ט״ו:כ״ח

    וימתהו בעשא בשנת שלש לאסא מלך יהודה וימלך תחתיו׃

  10. 1 מְלָכִים ט״ו:כ״ט

    ויהי כמלכו הכה את כל בית ירבעם לא השאיר כל נשמה לירבעם עד השמדו כדבר יהוה אשר דבר ביד עבדו אחיה השילני׃

  11. 1 מְלָכִים ט״ו:ל׳

    על חטאות ירבעם אשר חטא ואשר החטיא את ישראל בכעסו אשר הכעיס את יהוה אלהי ישראל׃

  12. 1 מְלָכִים ט״ו:ל״א

    ויתר דברי נדב וכל אשר עשה הלא הם כתובים על ספר דברי הימים למלכי ישראל׃

  13. 1 מְלָכִים ט״ו:ל״ב

    ומלחמה היתה בין אסא ובין בעשא מלך ישראל כל ימיהם׃

  14. 1 מְלָכִים ט״ו:ל״ג

    בשנת שלש לאסא מלך יהודה מלך בעשא בן אחיה על כל ישראל בתרצה עשרים וארבע שנה׃

  15. 1 מְלָכִים ט״ו:ל״ד

    ויעש הרע בעיני יהוה וילך בדרך ירבעם ובחטאתו אשר החטיא את ישראל׃

  16. 1 מְלָכִים ט״ז:א׳

    ¶ ויהי דבר יהוה אל יהוא בן חנני על בעשא לאמר׃

  17. 1 מְלָכִים ט״ז:ב׳

    יען אשר הרימתיך מן העפר ואתנך נגיד על עמי ישראל ותלך בדרך ירבעם ותחטא את עמי ישראל להכעיסני בחטאתם׃

  18. 1 מְלָכִים ט״ז:ג׳

    הנני מבעיר אחרי בעשא ואחרי ביתו ונתתי את ביתך כבית ירבעם בן נבט׃

  19. 1 מְלָכִים ט״ז:ד׳

    המת לבעשא בעיר יאכלו הכלבים והמת לו בשדה יאכלו עוף השמים׃

  20. 1 מְלָכִים ט״ז:ה׳

    ויתר דברי בעשא ואשר עשה וגבורתו הלא הם כתובים על ספר דברי הימים למלכי ישראל׃

  21. 1 מְלָכִים ט״ז:ו׳

    וישכב בעשא עם אבתיו ויקבר בתרצה וימלך אלה בנו תחתיו׃

  22. 1 מְלָכִים ט״ז:ז׳

    וגם ביד יהוא בן חנני הנביא דבר יהוה היה אל בעשא ואל ביתו ועל כל הרעה אשר עשה בעיני יהוה להכעיסו במעשה ידיו להיות כבית ירבעם ועל אשר הכה אתו׃

  23. 2 דִּבְרֵי הַיָּמִים ט״ז:א׳

    ¶ בשנת שלשים ושש למלכות אסא עלה בעשא מלך ישראל על יהודה ויבן את הרמה לבלתי תת יוצא ובא לאסא מלך יהודה׃

  24. 2 דִּבְרֵי הַיָּמִים ט״ז:ב׳

    ויצא אסא כסף וזהב מאצרות בית יהוה ובית המלך וישלח אל בן הדד מלך ארם היושב בדרמשק לאמר׃

  25. 2 דִּבְרֵי הַיָּמִים ט״ז:ג׳

    ברית ביני ובינך ובין אבי ובין אביך הנה שלחתי לך כסף וזהב לך הפר בריתך את בעשא מלך ישראל ויעלה מעלי׃