פסוקים על Alliance and Society with the Enemies of God

גם בימים ההם ראיתי את היהודים השיבו נשים אשדודיות עמוניות מואביות׃

ובניהם חצי מדבר אשדודית ואינם מכירים לדבר יהודית וכלשון עם ועם׃

ואריב עמם ואקללם ואכה מהם אנשים ואמרטם ואשביעם באלהים אם תתנו בנתיכם לבניהם ואם תשאו מבנתיהם לבניכם ולכם׃

הלוא על אלה חטא שלמה מלך ישראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישראל גם אותו החטיאו הנשים הנכריות׃

ולכם הנשמע לעשת את כל הרעה הגדולה הזאת למעל באלהינו להשיב נשים נכריות׃

¶ אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב׃

סורו ממני כל פעלי און כי שמע יהוה קול בכיי׃

נבזה בעיניו נמאס ואת יראי יהוה יכבד נשבע להרע ולא ימר׃

לא ישבתי עם מתי שוא ועם נעלמים לא אבוא׃

שנאתי קהל מרעים ועם רשעים לא אשב׃

שנאתי השמרים הבלי שוא ואני אל יהוה בטחתי׃

אם ראית גנב ותרץ עמו ועם מנאפים חלקך׃

נפשי בתוך לבאם אשכבה להטים בני אדם שניהם חנית וחצים ולשונם חרב חדה׃

לבב עקש יסור ממני רע לא אדע׃

מלושני בסתר רעהו אותו אצמית גבה עינים ורחב לבב אתו לא אוכל׃

עיני בנאמני ארץ לשבת עמדי הלך בדרך תמים הוא ישרתני׃

לא ישב בקרב ביתי עשה רמיה דבר שקרים לא יכון לנגד עיני׃

ויכעיסו במעלליהם ותפרץ בם מגפה׃

ויעבדו את עצביהם ויהיו להם למוקש׃

ויזבחו את בניהם ואת בנותיהם לשדים׃

וישפכו דם נקי דם בניהם ובנותיהם אשר זבחו לעצבי כנען ותחנף הארץ בדמים׃

ויחר אף יהוה בעמו ויתעב את נחלתו׃

ויתנם ביד גוים וימשלו בהם שנאיהם׃

וילחצום אויביהם ויכנעו תחת ידם׃

סורו ממני מרעים ואצרה מצות אלהי׃