פסוקים על Alliance and Society with the Enemies of God: Means of preservation from

כי תבוא חכמה בלבך ודעת לנפשך ינעם׃

מזמה תשמר עליך תבונה תנצרכה׃

להצילך מדרך רע מאיש מדבר תהפכות׃

העזבים ארחות ישר ללכת בדרכי חשך׃

השמחים לעשות רע יגילו בתהפכות רע׃

אשר ארחתיהם עקשים ונלוזים במעגלותם׃

להצילך מאשה זרה מנכריה אמריה החליקה׃

העזבת אלוף נעוריה ואת ברית אלהיה שכחה׃

כי שחה אל מות ביתה ואל רפאים מעגלתיה׃

כל באיה לא ישובון ולא ישיגו ארחות חיים׃

למען תלך בדרך טובים וארחות צדיקים תשמר׃

חדל בני לשמע מוסר לשגות מאמרי דעת׃