פסוקים על Alliance and Society with the Enemies of God

אויה לי כי גרתי משך שכנתי עם אהלי קדר׃

רבת שכנה לה נפשי עם שונא שלום׃

אם תקטל אלוה רשע ואנשי דמים סורו מני׃

בני אם יפתוך חטאים אל תבא׃

אם יאמרו לכה אתנו נארבה לדם נצפנה לנקי חנם׃

נבלעם כשאול חיים ותמימים כיורדי בור׃

כל הון יקר נמצא נמלא בתינו שלל׃

גורלך תפיל בתוכנו כיס אחד יהיה לכלנו׃

בני אל תלך בדרך אתם מנע רגלך מנתיבתם׃

כי תבוא חכמה בלבך ודעת לנפשך ינעם׃

מזמה תשמר עליך תבונה תנצרכה׃

להצילך מדרך רע מאיש מדבר תהפכות׃

העזבים ארחות ישר ללכת בדרכי חשך׃

השמחים לעשות רע יגילו בתהפכות רע׃

אשר ארחתיהם עקשים ונלוזים במעגלותם׃

להצילך מאשה זרה מנכריה אמריה החליקה׃

העזבת אלוף נעוריה ואת ברית אלהיה שכחה׃

כי שחה אל מות ביתה ואל רפאים מעגלתיה׃

כל באיה לא ישובון ולא ישיגו ארחות חיים׃

למען תלך בדרך טובים וארחות צדיקים תשמר׃

בארח רשעים אל תבא ואל תאשר בדרך רעים׃

פרעהו אל תעבר בו שטה מעליו ועבור׃

עזבו פתאים וחיו ואשרו בדרך בינה׃

עבד אדמתו ישבע לחם ומרדף ריקים חסר לב׃

לך מנגד לאיש כסיל ובל ידעת שפתי דעת׃