circa 1446–1406 BC

The Wilderness Years

Forty years of wandering in the desert test Israel's faith and prepare a new generation to enter the promised land.

2,247 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. דְּבָרִים י׳:י״טבערך תצ״א לפנה״ס

    ואהבתם את הגר כי גרים הייתם בארץ מצרים׃

  2. דְּבָרִים י׳:כ׳בערך תצ״א לפנה״ס

    את יהוה אלהיך תירא אתו תעבד ובו תדבק ובשמו תשבע׃

  3. דְּבָרִים י׳:כ״אבערך תצ״א לפנה״ס

    הוא תהלתך והוא אלהיך אשר עשה אתך את הגדלת ואת הנוראת האלה אשר ראו עיניך׃

  4. דְּבָרִים י׳:כ״בבערך תצ״א לפנה״ס

    בשבעים נפש ירדו אבתיך מצרימה ועתה שמך יהוה אלהיך ככוכבי השמים לרב׃

  5. דְּבָרִים י״א:א׳בערך תצ״א לפנה״ס

    ¶ ואהבת את יהוה אלהיך ושמרת משמרתו וחקתיו ומשפטיו ומצותיו כל הימים׃

  6. דְּבָרִים י״א:ב׳בערך תצ״א לפנה״ס

    וידעתם היום כי לא את בניכם אשר לא ידעו ואשר לא ראו את מוסר יהוה אלהיכם את גדלו את ידו החזקה וזרעו הנטויה׃

  7. דְּבָרִים י״א:ג׳בערך תצ״א לפנה״ס

    ואת אתתיו ואת מעשיו אשר עשה בתוך מצרים לפרעה מלך מצרים ולכל ארצו׃

  8. דְּבָרִים י״א:ד׳בערך תצ״א לפנה״ס

    ואשר עשה לחיל מצרים לסוסיו ולרכבו אשר הציף את מי ים סוף על פניהם ברדפם אחריכם ויאבדם יהוה עד היום הזה׃

  9. דְּבָרִים י״א:ה׳בערך תצ״א לפנה״ס

    ואשר עשה לכם במדבר עד באכם עד המקום הזה׃

  10. דְּבָרִים י״א:ו׳בערך תצ״א לפנה״ס

    ואשר עשה לדתן ולאבירם בני אליאב בן ראובן אשר פצתה הארץ את פיה ותבלעם ואת בתיהם ואת אהליהם ואת כל היקום אשר ברגליהם בקרב כל ישראל׃

  11. דְּבָרִים י״א:ז׳בערך תצ״א לפנה״ס

    כי עיניכם הראת את כל מעשה יהוה הגדל אשר עשה׃

  12. דְּבָרִים י״א:ח׳בערך תצ״א לפנה״ס

    ושמרתם את כל המצוה אשר אנכי מצוך היום למען תחזקו ובאתם וירשתם את הארץ אשר אתם עברים שמה לרשתה׃

  13. דְּבָרִים י״א:ט׳בערך תצ״א לפנה״ס

    ולמען תאריכו ימים על האדמה אשר נשבע יהוה לאבתיכם לתת להם ולזרעם ארץ זבת חלב ודבש׃

  14. דְּבָרִים י״א:י׳בערך תצ״א לפנה״ס

    כי הארץ אשר אתה בא שמה לרשתה לא כארץ מצרים הוא אשר יצאתם משם אשר תזרע את זרעך והשקית ברגלך כגן הירק׃

  15. דְּבָרִים י״א:י״אבערך תצ״א לפנה״ס

    והארץ אשר אתם עברים שמה לרשתה ארץ הרים ובקעת למטר השמים תשתה מים׃

  16. דְּבָרִים י״א:י״בבערך תצ״א לפנה״ס

    ארץ אשר יהוה אלהיך דרש אתה תמיד עיני יהוה אלהיך בה מרשית השנה ועד אחרית שנה׃

  17. דְּבָרִים י״א:י״גבערך תצ״א לפנה״ס

    והיה אם שמע תשמעו אל מצותי אשר אנכי מצוה אתכם היום לאהבה את יהוה אלהיכם ולעבדו בכל לבבכם ובכל נפשכם׃

  18. דְּבָרִים י״א:י״דבערך תצ״א לפנה״ס

    ונתתי מטר ארצכם בעתו יורה ומלקוש ואספת דגנך ותירשך ויצהרך׃

  19. דְּבָרִים י״א:ט״ובערך תצ״א לפנה״ס

    ונתתי עשב בשדך לבהמתך ואכלת ושבעת׃

  20. דְּבָרִים י״א:ט״זבערך תצ״א לפנה״ס

    השמרו לכם פן יפתה לבבכם וסרתם ועבדתם אלהים אחרים והשתחויתם להם׃

  21. דְּבָרִים י״א:י״זבערך תצ״א לפנה״ס

    וחרה אף יהוה בכם ועצר את השמים ולא יהיה מטר והאדמה לא תתן את יבולה ואבדתם מהרה מעל הארץ הטבה אשר יהוה נתן לכם׃

  22. דְּבָרִים י״א:י״חבערך תצ״א לפנה״ס

    ושמתם את דברי אלה על לבבכם ועל נפשכם וקשרתם אתם לאות על ידכם והיו לטוטפת בין עיניכם׃

  23. דְּבָרִים י״א:י״טבערך תצ״א לפנה״ס

    ולמדתם אתם את בניכם לדבר בם בשבתך בביתך ובלכתך בדרך ובשכבך ובקומך׃

  24. דְּבָרִים י״א:כ׳בערך תצ״א לפנה״ס

    וכתבתם על מזוזות ביתך ובשעריך׃

  25. דְּבָרִים י״א:כ״אבערך תצ״א לפנה״ס

    למען ירבו ימיכם וימי בניכם על האדמה אשר נשבע יהוה לאבתיכם לתת להם כימי השמים על הארץ׃