circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

יְחֶזְקֵאל ח׳:ז׳בערך תקצ״ד לפנה״ס
ויבא אתי אל פתח החצר ואראה והנה חר אחד בקיר׃
יְחֶזְקֵאל ח׳:ח׳בערך תקצ״ד לפנה״ס
ויאמר אלי בן אדם חתר נא בקיר ואחתר בקיר והנה פתח אחד׃
יְחֶזְקֵאל ח׳:ט׳בערך תקצ״ד לפנה״ס
ויאמר אלי בא וראה את התועבות הרעות אשר הם עשים פה׃
יְחֶזְקֵאל ח׳:י׳בערך תקצ״ד לפנה״ס
ואבוא ואראה והנה כל תבנית רמש ובהמה שקץ וכל גלולי בית ישראל מחקה על הקיר סביב סביב׃
יְחֶזְקֵאל ח׳:י״אבערך תקצ״ד לפנה״ס
ושבעים איש מזקני בית ישראל ויאזניהו בן שפן עמד בתוכם עמדים לפניהם ואיש מקטרתו בידו ועתר ענן הקטרת עלה׃
יְחֶזְקֵאל ח׳:י״בבערך תקצ״ד לפנה״ס
ויאמר אלי הראית בן אדם אשר זקני בית ישראל עשים בחשך איש בחדרי משכיתו כי אמרים אין יהוה ראה אתנו עזב יהוה את הארץ׃
יְחֶזְקֵאל ח׳:י״גבערך תקצ״ד לפנה״ס
ויאמר אלי עוד תשוב תראה תועבות גדלות אשר המה עשים׃
יְחֶזְקֵאל ח׳:י״דבערך תקצ״ד לפנה״ס
ויבא אתי אל פתח שער בית יהוה אשר אל הצפונה והנה שם הנשים ישבות מבכות את התמוז׃
יְחֶזְקֵאל ח׳:ט״ובערך תקצ״ד לפנה״ס
ויאמר אלי הראית בן אדם עוד תשוב תראה תועבות גדלות מאלה׃
יְחֶזְקֵאל ח׳:ט״זבערך תקצ״ד לפנה״ס
ויבא אתי אל חצר בית יהוה הפנימית והנה פתח היכל יהוה בין האולם ובין המזבח כעשרים וחמשה איש אחריהם אל היכל יהוה ופניהם קדמה והמה משתחויתם קדמה לשמש׃
יְחֶזְקֵאל ח׳:י״זבערך תקצ״ד לפנה״ס
ויאמר אלי הראית בן אדם הנקל לבית יהודה מעשות את התועבות אשר עשו פה כי מלאו את הארץ חמס וישבו להכעיסני והנם שלחים את הזמורה אל אפם׃
יְחֶזְקֵאל ח׳:י״חבערך תקצ״ד לפנה״ס
וגם אני אעשה בחמה לא תחוס עיני ולא אחמל וקראו באזני קול גדול ולא אשמע אותם׃
יְחֶזְקֵאל ט׳:א׳בערך תקצ״ד לפנה״ס
¶ ויקרא באזני קול גדול לאמר קרבו פקדות העיר ואיש כלי משחתו בידו׃
יְחֶזְקֵאל ט׳:ב׳בערך תקצ״ד לפנה״ס
והנה ששה אנשים באים מדרך שער העליון אשר מפנה צפונה ואיש כלי מפצו בידו ואיש אחד בתוכם לבש בדים וקסת הספר במתניו ויבאו ויעמדו אצל מזבח הנחשת׃
יְחֶזְקֵאל ט׳:ג׳בערך תקצ״ד לפנה״ס
וכבוד אלהי ישראל נעלה מעל הכרוב אשר היה עליו אל מפתן הבית ויקרא אל האיש הלבש הבדים אשר קסת הספר במתניו׃
יְחֶזְקֵאל ט׳:ד׳בערך תקצ״ד לפנה״ס
ויאמר יהוה אלו עבר בתוך העיר בתוך ירושלם והתוית תו על מצחות האנשים הנאנחים והנאנקים על כל התועבות הנעשות בתוכה׃
יְחֶזְקֵאל ט׳:ה׳בערך תקצ״ד לפנה״ס
ולאלה אמר באזני עברו בעיר אחריו והכו על תחס עיניכם ואל תחמלו׃
יְחֶזְקֵאל ט׳:ו׳בערך תקצ״ד לפנה״ס
זקן בחור ובתולה וטף ונשים תהרגו למשחית ועל כל איש אשר עליו התו אל תגשו וממקדשי תחלו ויחלו באנשים הזקנים אשר לפני הבית׃
יְחֶזְקֵאל ט׳:ז׳בערך תקצ״ד לפנה״ס
ויאמר אליהם טמאו את הבית ומלאו את החצרות חללים צאו ויצאו והכו בעיר׃
יְחֶזְקֵאל ט׳:ח׳בערך תקצ״ד לפנה״ס
ויהי כהכותם ונאשאר אני ואפלה על פני ואזעק ואמר אהה אדני יהוה המשחית אתה את כל שארית ישראל בשפכך את חמתך על ירושלם׃
יְחֶזְקֵאל ט׳:ט׳בערך תקצ״ד לפנה״ס
ויאמר אלי עון בית ישראל ויהודה גדול במאד מאד ותמלא הארץ דמים והעיר מלאה מטה כי אמרו עזב יהוה את הארץ ואין יהוה ראה׃
יְחֶזְקֵאל ט׳:י׳בערך תקצ״ד לפנה״ס
וגם אני לא תחוס עיני ולא אחמל דרכם בראשם נתתי׃
יְחֶזְקֵאל ט׳:י״אבערך תקצ״ד לפנה״ס
והנה האיש לבש הבדים אשר הקסת במתניו משיב דבר לאמר עשיתי כאשר צויתני׃
יְחֶזְקֵאל י׳:א׳בערך תקצ״ד לפנה״ס
¶ ואראה והנה אל הרקיע אשר על ראש הכרבים כאבן ספיר כמראה דמות כסא נראה עליהם׃
יְחֶזְקֵאל י׳:ב׳בערך תקצ״ד לפנה״ס
ויאמר אל האיש לבש הבדים ויאמר בא אל בינות לגלגל אל תחת לכרוב ומלא חפניך גחלי אש מבינות לכרבים וזרק על העיר ויבא לעיני׃

מציג 301–325 מתוך 1,784 פסוקים

הקודם 1...11 12 13 14 15...72 הבא