circa 1446 BC

Moses & The Exodus

God raises up Moses to confront Pharaoh; the ten plagues culminate in Israel's dramatic deliverance from four centuries of bondage.

415 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. שְׁמֹות ז׳:כ״גבערך תצ״א לפנה״ס

    ויפן פרעה ויבא אל ביתו ולא שת לבו גם לזאת׃

  2. שְׁמֹות ז׳:כ״דבערך תצ״א לפנה״ס

    ויחפרו כל מצרים סביבת היאר מים לשתות כי לא יכלו לשתת ממימי היאר׃

  3. שְׁמֹות ז׳:כ״הבערך תצ״א לפנה״ס

    וימלא שבעת ימים אחרי הכות יהוה את היאר׃

  4. שְׁמֹות ח׳:א׳בערך תצ״א לפנה״ס

    ¶ ויאמר יהוה אל משה בא אל פרעה ואמרת אליו כה אמר יהוה שלח את עמי ויעבדני׃

  5. שְׁמֹות ח׳:ב׳בערך תצ״א לפנה״ס

    ואם מאן אתה לשלח הנה אנכי נגף את כל גבולך בצפרדעים׃

  6. שְׁמֹות ח׳:ג׳בערך תצ״א לפנה״ס

    ושרץ היאר צפרדעים ועלו ובאו בביתך ובחדר משכבך ועל מטתך ובבית עבדיך ובעמך ובתנוריך ובמשארותיך׃

  7. שְׁמֹות ח׳:ד׳בערך תצ״א לפנה״ס

    ובכה ובעמך ובכל עבדיך יעלו הצפרדעים׃

  8. שְׁמֹות ח׳:ה׳בערך תצ״א לפנה״ס

    ויאמר יהוה אל משה אמר אל אהרן נטה את ידך במטך על הנהרת על היארים ועל האגמים והעל את הצפרדעים על ארץ מצרים׃

  9. שְׁמֹות ח׳:ו׳בערך תצ״א לפנה״ס

    ויט אהרן את ידו על מימי מצרים ותעל הצפרדע ותכס את ארץ מצרים׃

  10. שְׁמֹות ח׳:ז׳בערך תצ״א לפנה״ס

    ויעשו כן החרטמים בלטיהם ויעלו את הצפרדעים על ארץ מצרים׃

  11. שְׁמֹות ח׳:ח׳בערך תצ״א לפנה״ס

    ויקרא פרעה למשה ולאהרן ויאמר העתירו אל יהוה ויסר הצפרדעים ממני ומעמי ואשלחה את העם ויזבחו ליהוה׃

  12. שְׁמֹות ח׳:ט׳בערך תצ״א לפנה״ס

    ויאמר משה לפרעה התפאר עלי למתי אעתיר לך ולעבדיך ולעמך להכרית הצפרדעים ממך ומבתיך רק ביאר תשארנה׃

  13. שְׁמֹות ח׳:י׳בערך תצ״א לפנה״ס

    ויאמר למחר ויאמר כדברך למען תדע כי אין כיהוה אלהינו׃

  14. שְׁמֹות ח׳:י״אבערך תצ״א לפנה״ס

    וסרו הצפרדעים ממך ומבתיך ומעבדיך ומעמך רק ביאר תשארנה׃

  15. שְׁמֹות ח׳:י״בבערך תצ״א לפנה״ס

    ויצא משה ואהרן מעם פרעה ויצעק משה אל יהוה על דבר הצפרדעים אשר שם לפרעה׃

  16. שְׁמֹות ח׳:י״גבערך תצ״א לפנה״ס

    ויעש יהוה כדבר משה וימתו הצפרדעים מן הבתים מן החצרת ומן השדת׃

  17. שְׁמֹות ח׳:י״דבערך תצ״א לפנה״ס

    ויצברו אתם חמרם חמרם ותבאש הארץ׃

  18. שְׁמֹות ח׳:ט״ובערך תצ״א לפנה״ס

    וירא פרעה כי היתה הרוחה והכבד את לבו ולא שמע אלהם כאשר דבר יהוה׃

  19. שְׁמֹות ח׳:ט״זבערך תצ״א לפנה״ס

    ויאמר יהוה אל משה אמר אל אהרן נטה את מטך והך את עפר הארץ והיה לכנם בכל ארץ מצרים׃

  20. שְׁמֹות ח׳:י״זבערך תצ״א לפנה״ס

    ויעשו כן ויט אהרן את ידו במטהו ויך את עפר הארץ ותהי הכנם באדם ובבהמה כל עפר הארץ היה כנים בכל ארץ מצרים׃

  21. שְׁמֹות ח׳:י״חבערך תצ״א לפנה״ס

    ויעשו כן החרטמים בלטיהם להוציא את הכנים ולא יכלו ותהי הכנם באדם ובבהמה׃

  22. שְׁמֹות ח׳:י״טבערך תצ״א לפנה״ס

    ויאמרו החרטמים אל פרעה אצבע אלהים הוא ויחזק לב פרעה ולא שמע אלהם כאשר דבר יהוה׃

  23. שְׁמֹות ח׳:כ׳בערך תצ״א לפנה״ס

    ויאמר יהוה אל משה השכם בבקר והתיצב לפני פרעה הנה יוצא המימה ואמרת אליו כה אמר יהוה שלח עמי ויעבדני׃

  24. שְׁמֹות ח׳:כ״אבערך תצ״א לפנה״ס

    כי אם אינך משלח את עמי הנני משליח בך ובעבדיך ובעמך ובבתיך את הערב ומלאו בתי מצרים את הערב וגם האדמה אשר הם עליה׃

  25. שְׁמֹות ח׳:כ״בבערך תצ״א לפנה״ס

    והפליתי ביום ההוא את ארץ גשן אשר עמי עמד עליה לבלתי היות שם ערב למען תדע כי אני יהוה בקרב הארץ׃