TRV
Jesus
ידוע גם בשם: Jesus Christ, Immanuel, Emmanuel, Christ
פסוקים המזכירים את Jesus
ויאמרו כלם הכי אתה הוא בן האלהים ויאמר אליהם אתם אמרתם כי אני הוא׃
ויאמרו מה לנו עוד לבקש עדות הלא באזנינו שמענוה מפיו׃
¶ ויקם כל קהלם ויוליכהו אל פילטוס׃
ויחלו לדבר עליו שטנה לאמר את זה מצאנו מסית את העם ומנע אתו מתת מס אל הקיסר באמרו כי הוא מלך המשיח׃
וישאלהו פילטוס לאמר האתה הוא מלך היהודים ויען אתו ויאמר אתה אמרת׃
ויאמר פילטוס אל ראשי הכהנים ואל המון העם לא מצאתי דבר אשם באיש הזה׃
ויהי כשמע פילטוס את שם הגליל וישאל אם הוא איש גלילי׃
וכאשר ידע כי מממשלת הורדוס הוא שלחו אל הורדוס אשר היה גם הוא בירושלים בימים האלה׃
וישמח הורדוס עד מאד כראותו את ישוע כי מימים רבים אוה לראת אתו על כי שמע את שמעו ויקו לראת אות אשר יעשה׃
וירב לשאל אותו והוא לא השיב אתו דבר׃
ויעמדו הכהנים הגדולים והסופרים ויתחזקו לדבר עליו שטנה׃
ויבז אתו הורדוס עם צבאותיו ויהתל בו וילבש אותו בגד זהורית וישלחהו אל פילטוס׃
ויאמר אליהם הבאתם לפני את האיש הזה כמסית את העם והנה אני חקרתיו לעיניכם ולא מצאתי באיש הזה אשמת מאומה מן הדברים אשר אתם טוענים עליו׃
וגם הורדוס לא מצא כי שלחתי אתכם אליו והנה אין בו חטא משפט מות׃
על כן איסרנו ואפטרנו׃
ויצעקו כל המונם ויאמרו הסר את זה ופטר לנו את בר אבא׃
ויסף פילטוס לשאת קולו כי חפץ לפטר את ישוע׃
והמה צעקו אליו לאמר הצלב אותו הצלב׃
ויאמר אליהם פעם שלישית מה אפוא עשה זה רעה כל אשמת מות לא מצאתי בו על כן איסרנו ואפטרנו׃
ויפצרו בו בקול גדול ויבקשו כי יצלב ויחזק קולם וקול הכהנים הגדולים׃
ויפטר להם את המשלך בית האסורים על דבר מרד ורצח את אשר שאלו ואת ישוע מסר לרצונם׃
וכאשר הוליכהו משם ויחזיקו באיש אחד הבא מן השדה ושמו שמעון איש קוריני וישימו עליו את הצלב לשאת אחרי ישוע׃
וילכו אחריו המון עם רב והמון נשים והנה ספדות ומקוננות עליו׃
ויפן ישוע ויאמר אליהן בנות ירושלים אל תבכינה עלי כי אם על נפשכן בכינה ועל בניכן׃
וגם שנים אחרים אנשי בליעל מוצאים אתו למות׃