Jesus

ולא תעצבו את רוח הקדש של אלהים אשר נחתמתם בו אל יום הגאלה׃

והתהלכו באהבה כאשר גם המשיח אהב אתנו והקריב את נפשו בעדנו לקרבן וזבח לאלהים לריח ניחוח׃

כי זאת ידע תדעו כי כל זנה וטמא ואהב בצע שהוא עבד אלילים אין לו חלק ונחלה במלכות המשיח והאלהים׃

כי מלפנים הייתם חשך ועתה הנכם אור באדנינו התהלכו נא כבני אור׃

ובחנו מה הוא רצוי בעיני אדנינו׃

על כן הוא אומר עורה הישן וקומה מן המתים ויאר לך המשיח׃

על כן אל תהיו חסרי דעת כי אם מבינים לדעת מה הוא רצון אדנינו׃

ושיחו איש לרעהו בתהלות ותשבחות ושירות רוחניות שירו וזמרו לאדני בלבבכם׃

והודו בכל עת על הכל לאלהים אבינו בשם אדנינו ישוע המשיח׃

הנשים הכנענה לבעליכן כמו לאדנינו׃

כי האיש הוא ראש האשה כאשר המשיח הוא ראש העדה והוא מושיע של הגוף׃

אבל כאשר תכנע העדה למשיח ככה גם הנשים לבעליהן בכל דבר׃

האנשים אהבו את נשיכם כאשר גם המשיח אהב את העדה ויתן את נפשו בעדה׃

למען קדשה בדברו אחרי אשר טהרה ברחיצת המים׃

להקימה בכבוד לו לעדה אשר אין בה כתם וקמט וכדומה כי אם למען תהיה קדושה ותמימה׃

כי מעולם לא שנא איש את בשרו כי אם זן ומכלכל אתו כאשר גם האדון את עדתו׃

כי אברי גופו אנחנו משברו ומעצמיו׃

גדול הסוד הזה ואני מפרש אתו על המשיח ועל עדתו׃

¶ שמעו בנים אל הוריכם באדנינו כי ארח ישר הוא׃

ואתם האבות אל תכעיסו את בניכם אך גדלום במוסר אדנינו ובתוכחתו׃

שמעו עבדים אל אדניכם לפי הבשר ביראה ורתת ובתם לבבכם כמו למשיח׃

לא בעבדת מראה העין כמבקשי חן בני אדם כי אם כעבדי המשיח עשים רצון האלהים בכל נפשם׃

ועבדים בנפש חפצה את האדון ולא בני אדם׃

וידעתם כי כל דבר טוב אשר עשה האדם ישלמנו לו אדנינו אם עבד הוא או בן חורין׃

ואתם האדנים ככה תעשו גם להם חדלו מגער בם וידעתם כי גם עליכם יש אדון בשמים ואין לפניו משא פנים׃