Hezekiah

116 פסוקים · 5 בני משפחה

ידוע גם בשם: Ezekias

פסוקים המזכירים את Hezekiah

סינון לפי ספר
  1. 2 דִּבְרֵי הַיָּמִים ל״ב:ל״ב

    ויתר דברי יחזקיהו וחסדיו הנם כתובים בחזון ישעיהו בן אמוץ הנביא על ספר מלכי יהודה וישראל׃

  2. 2 דִּבְרֵי הַיָּמִים ל״ב:ל״ג

    וישכב יחזקיהו עם אבתיו ויקברהו במעלה קברי בני דויד וכבוד עשו לו במותו כל יהודה וישבי ירושלם וימלך מנשה בנו תחתיו׃

  3. 2 דִּבְרֵי הַיָּמִים ל״ג:ג׳

    וישב ויבן את הבמות אשר נתץ יחזקיהו אביו ויקם מזבחות לבעלים ויעש אשרות וישתחו לכל צבא השמים ויעבד אתם׃

  4. מִשְׁלֵי כ״ה:א׳

    ¶ גם אלה משלי שלמה אשר העתיקו אנשי חזקיה מלך יהודה׃

  5. יְשַׁעְיָהוּ א׳:א׳

    ¶ חזון ישעיהו בן אמוץ אשר חזה על יהודה וירושלם בימי עזיהו יותם אחז יחזקיהו מלכי יהודה׃

  6. יְשַׁעְיָהוּ ל״ו:א׳

    ¶ ויהי בארבע עשרה שנה למלך חזקיהו עלה סנחריב מלך אשור על כל ערי יהודה הבצרות ויתפשם׃

  7. יְשַׁעְיָהוּ ל״ו:ב׳

    וישלח מלך אשור את רב שקה מלכיש ירושלמה אל המלך חזקיהו בחיל כבד ויעמד בתעלת הברכה העליונה במסלת שדה כובס׃

  8. יְשַׁעְיָהוּ ל״ו:ד׳

    ויאמר אליהם רב שקה אמרו נא אל חזקיהו כה אמר המלך הגדול מלך אשור מה הבטחון הזה אשר בטחת׃

  9. יְשַׁעְיָהוּ ל״ו:ז׳

    וכי תאמר אלי אל יהוה אלהינו בטחנו הלוא הוא אשר הסיר חזקיהו את במתיו ואת מזבחתיו ויאמר ליהודה ולירושלם לפני המזבח הזה תשתחוו׃

  10. יְשַׁעְיָהוּ ל״ו:י״ד

    כה אמר המלך אל ישא לכם חזקיהו כי לא יוכל להציל אתכם׃

  11. יְשַׁעְיָהוּ ל״ו:ט״ו

    ואל יבטח אתכם חזקיהו אל יהוה לאמר הצל יצילנו יהוה לא תנתן העיר הזאת ביד מלך אשור׃

  12. יְשַׁעְיָהוּ ל״ו:ט״ז

    אל תשמעו אל חזקיהו כי כה אמר המלך אשור עשו אתי ברכה וצאו אלי ואכלו איש גפנו ואיש תאנתו ושתו איש מי בורו׃

  13. יְשַׁעְיָהוּ ל״ו:י״ח

    פן יסית אתכם חזקיהו לאמר יהוה יצילנו ההצילו אלהי הגוים איש את ארצו מיד מלך אשור׃

  14. יְשַׁעְיָהוּ ל״ו:כ״ב

    ויבא אליקים בן חלקיהו אשר על הבית ושבנא הסופר ויואח בן אסף המזכיר אל חזקיהו קרועי בגדים ויגידו לו את דברי רב שקה׃

  15. יְשַׁעְיָהוּ ל״ז:א׳

    ¶ ויהי כשמע המלך חזקיהו ויקרע את בגדיו ויתכס בשק ויבא בית יהוה׃

  16. יְשַׁעְיָהוּ ל״ז:ג׳

    ויאמרו אליו כה אמר חזקיהו יום צרה ותוכחה ונאצה היום הזה כי באו בנים עד משבר וכח אין ללדה׃

  17. יְשַׁעְיָהוּ ל״ז:ה׳

    ויבאו עבדי המלך חזקיהו אל ישעיהו׃

  18. יְשַׁעְיָהוּ ל״ז:ט׳

    וישמע על תרהקה מלך כוש לאמר יצא להלחם אתך וישמע וישלח מלאכים אל חזקיהו לאמר׃

  19. יְשַׁעְיָהוּ ל״ז:י׳

    כה תאמרון אל חזקיהו מלך יהודה לאמר אל ישאך אלהיך אשר אתה בוטח בו לאמר לא תנתן ירושלם ביד מלך אשור׃

  20. יְשַׁעְיָהוּ ל״ז:י״ד

    ויקח חזקיהו את הספרים מיד המלאכים ויקראהו ויעל בית יהוה ויפרשהו חזקיהו לפני יהוה׃

  21. יְשַׁעְיָהוּ ל״ז:ט״ו

    ויתפלל חזקיהו אל יהוה לאמר׃

  22. יְשַׁעְיָהוּ ל״ז:כ״א

    וישלח ישעיהו בן אמוץ אל חזקיהו לאמר כה אמר יהוה אלהי ישראל אשר התפללת אלי אל סנחריב מלך אשור׃

  23. יְשַׁעְיָהוּ ל״ח:א׳

    ¶ בימים ההם חלה חזקיהו למות ויבוא אליו ישעיהו בן אמוץ הנביא ויאמר אליו כה אמר יהוה צו לביתך כי מת אתה ולא תחיה׃

  24. יְשַׁעְיָהוּ ל״ח:ב׳

    ויסב חזקיהו פניו אל הקיר ויתפלל אל יהוה׃

  25. יְשַׁעְיָהוּ ל״ח:ג׳

    ויאמר אנה יהוה זכר נא את אשר התהלכתי לפניך באמת ובלב שלם והטוב בעיניך עשיתי ויבך חזקיהו בכי גדול׃