עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְחֶזְקֵאל כ״ב:י״ב

    שחד לקחו בך למען שפך דם נשך ותרבית לקחת ותבצעי רעיך בעשק ואתי שכחת נאם אדני יהוה׃

  2. יְחֶזְקֵאל כ״ב:י״ג

    והנה הכיתי כפי אל בצעך אשר עשית ועל דמך אשר היו בתוכך׃

  3. יְחֶזְקֵאל כ״ב:י״ד

    היעמד לבך אם תחזקנה ידיך לימים אשר אני עשה אותך אני יהוה דברתי ועשיתי׃

  4. יְחֶזְקֵאל כ״ב:ט״ו

    והפיצותי אותך בגוים וזריתיך בארצות והתמתי טמאתך ממך׃

  5. יְחֶזְקֵאל כ״ב:ט״ז

    ונחלת בך לעיני גוים וידעת כי אני יהוה׃

  6. יְחֶזְקֵאל כ״ב:י״ז

    ויהי דבר יהוה אלי לאמר׃

  7. יְחֶזְקֵאל כ״ב:י״ח

    בן אדם היו לי בית ישראל לסוג כלם נחשת ובדיל וברזל ועופרת בתוך כור סגים כסף היו׃

  8. יְחֶזְקֵאל כ״ב:י״ט

    לכן כה אמר אדני יהוה יען היות כלכם לסגים לכן הנני קבץ אתכם אל תוך ירושלם׃

  9. יְחֶזְקֵאל כ״ב:כ׳

    קבצת כסף ונחשת וברזל ועופרת ובדיל אל תוך כור לפחת עליו אש להנתיך כן אקבץ באפי ובחמתי והנחתי והתכתי אתכם׃

  10. יְחֶזְקֵאל כ״ב:כ״א

    וכנסתי אתכם ונפחתי עליכם באש עברתי ונתכתם בתוכה׃

  11. יְחֶזְקֵאל כ״ב:כ״ב

    כהתוך כסף בתוך כור כן תתכו בתוכה וידעתם כי אני יהוה שפכתי חמתי עליכם׃

  12. יְחֶזְקֵאל כ״ב:כ״ג

    ויהי דבר יהוה אלי לאמר׃

  13. יְחֶזְקֵאל כ״ב:כ״ו

    כהניה חמסו תורתי ויחללו קדשי בין קדש לחל לא הבדילו ובין הטמא לטהור לא הודיעו ומשבתותי העלימו עיניהם ואחל בתוכם׃

  14. יְחֶזְקֵאל כ״ב:כ״ח

    ונביאיה טחו להם תפל חזים שוא וקסמים להם כזב אמרים כה אמר אדני יהוה ויהוה לא דבר׃

  15. יְחֶזְקֵאל כ״ב:ל׳

    ואבקש מהם איש גדר גדר ועמד בפרץ לפני בעד הארץ לבלתי שחתה ולא מצאתי׃

  16. יְחֶזְקֵאל כ״ב:ל״א

    ואשפך עליהם זעמי באש עברתי כליתים דרכם בראשם נתתי נאם אדני יהוה׃

  17. יְחֶזְקֵאל כ״ג:א׳

    ¶ ויהי דבר יהוה אלי לאמר׃

  18. יְחֶזְקֵאל כ״ג:ד׳

    ושמותן אהלה הגדולה ואהליבה אחותה ותהיינה לי ותלדנה בנים ובנות ושמותן שמרון אהלה וירושלם אהליבה׃

  19. יְחֶזְקֵאל כ״ג:ה׳

    ותזן אהלה תחתי ותעגב על מאהביה אל אשור קרובים׃

  20. יְחֶזְקֵאל כ״ג:ט׳

    לכן נתתיה ביד מאהביה ביד בני אשור אשר עגבה עליהם׃

  21. יְחֶזְקֵאל כ״ג:י״ג

    וארא כי נטמאה דרך אחד לשתיהן׃

  22. יְחֶזְקֵאל כ״ג:י״ח

    ותגל תזנותיה ותגל את ערותה ותקע נפשי מעליה כאשר נקעה נפשי מעל אחותה׃

  23. יְחֶזְקֵאל כ״ג:כ״ב

    לכן אהליבה כה אמר אדני יהוה הנני מעיר את מאהביך עליך את אשר נקעה נפשך מהם והבאתים עליך מסביב׃

  24. יְחֶזְקֵאל כ״ג:כ״ד

    ובאו עליך הצן רכב וגלגל ובקהל עמים צנה ומגן וקובע ישימו עליך סביב ונתתי לפניהם משפט ושפטוך במשפטיהם׃

  25. יְחֶזְקֵאל כ״ג:כ״ה

    ונתתי קנאתי בך ועשו אותך בחמה אפך ואזניך יסירו ואחריתך בחרב תפול המה בניך ובנותיך יקחו ואחריתך תאכל באש׃