עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְחֶזְקֵאל כ״א:א׳

    ¶ ויהי דבר יהוה אלי לאמר׃

  2. יְחֶזְקֵאל כ״א:ג׳

    ואמרת לאדמת ישראל כה אמר יהוה הנני אליך והוצאתי חרבי מתערה והכרתי ממך צדיק ורשע׃

  3. יְחֶזְקֵאל כ״א:ד׳

    יען אשר הכרתי ממך צדיק ורשע לכן תצא חרבי מתערה אל כל בשר מנגב צפון׃

  4. יְחֶזְקֵאל כ״א:ה׳

    וידעו כל בשר כי אני יהוה הוצאתי חרבי מתערה לא תשוב עוד׃

  5. יְחֶזְקֵאל כ״א:ז׳

    והיה כי יאמרו אליך על מה אתה נאנח ואמרת אל שמועה כי באה ונמס כל לב ורפו כל ידים וכהתה כל רוח וכל ברכים תלכנה מים הנה באה ונהיתה נאם אדני יהוה׃

  6. יְחֶזְקֵאל כ״א:ח׳

    ויהי דבר יהוה אלי לאמר׃

  7. יְחֶזְקֵאל כ״א:ט׳

    בן אדם הנבא ואמרת כה אמר אדני אמר חרב חרב הוחדה וגם מרוטה׃

  8. יְחֶזְקֵאל כ״א:י׳

    למען טבח טבח הוחדה למען היה לה ברק מרטה או נשיש שבט בני מאסת כל עץ׃

  9. יְחֶזְקֵאל כ״א:י״א

    ויתן אתה למרטה לתפש בכף היא הוחדה חרב והיא מרטה לתת אותה ביד הורג׃

  10. יְחֶזְקֵאל כ״א:י״ב

    זעק והילל בן אדם כי היא היתה בעמי היא בכל נשיאי ישראל מגורי אל חרב היו את עמי לכן ספק אל ירך׃

  11. יְחֶזְקֵאל כ״א:י״ג

    כי בחן ומה אם גם שבט מאסת לא יהיה נאם אדני יהוה׃

  12. יְחֶזְקֵאל כ״א:ט״ו

    למען למוג לב והרבה המכשלים על כל שעריהם נתתי אבחת חרב אח עשויה לברק מעטה לטבח׃

  13. יְחֶזְקֵאל כ״א:י״ז

    וגם אני אכה כפי אל כפי והניחתי חמתי אני יהוה דברתי׃

  14. יְחֶזְקֵאל כ״א:י״ח

    ויהי דבר יהוה אלי לאמר׃

  15. יְחֶזְקֵאל כ״א:כ״ד

    לכן כה אמר אדני יהוה יען הזכרכם עונכם בהגלות פשעיכם להראות חטאותיכם בכל עלילותיכם יען הזכרכם בכף תתפשו׃

  16. יְחֶזְקֵאל כ״א:כ״ו

    כה אמר אדני יהוה הסיר המצנפת והרים העטרה זאת לא זאת השפלה הגבה והגבה השפיל׃

  17. יְחֶזְקֵאל כ״א:כ״ז

    עוה עוה עוה אשימנה גם זאת לא היה עד בא אשר לו המשפט ונתתיו׃

  18. יְחֶזְקֵאל כ״א:כ״ח

    ואתה בן אדם הנבא ואמרת כה אמר אדני יהוה אל בני עמון ואל חרפתם ואמרת חרב חרב פתוחה לטבח מרוטה להכיל למען ברק׃

  19. יְחֶזְקֵאל כ״א:ל׳

    השב אל תערה במקום אשר נבראת בארץ מכרותיך אשפט אתך׃

  20. יְחֶזְקֵאל כ״א:ל״א

    ושפכתי עליך זעמי באש עברתי אפיח עליך ונתתיך ביד אנשים בערים חרשי משחית׃

  21. יְחֶזְקֵאל כ״א:ל״ב

    לאש תהיה לאכלה דמך יהיה בתוך הארץ לא תזכרי כי אני יהוה דברתי׃

  22. יְחֶזְקֵאל כ״ב:א׳

    ¶ ויהי דבר יהוה אלי לאמר׃

  23. יְחֶזְקֵאל כ״ב:ג׳

    ואמרת כה אמר אדני יהוה עיר שפכת דם בתוכה לבוא עתה ועשתה גלולים עליה לטמאה׃

  24. יְחֶזְקֵאל כ״ב:ד׳

    בדמך אשר שפכת אשמת ובגלוליך אשר עשית טמאת ותקריבי ימיך ותבוא עד שנותיך על כן נתתיך חרפה לגוים וקלסה לכל הארצות׃

  25. יְחֶזְקֵאל כ״ב:ח׳

    קדשי בזית ואת שבתתי חללת׃