עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְחֶזְקֵאל י״ח:כ״ג

    החפץ אחפץ מות רשע נאם אדני יהוה הלוא בשובו מדרכיו וחיה׃

  2. יְחֶזְקֵאל י״ח:כ״ה

    ואמרתם לא יתכן דרך אדני שמעו נא בית ישראל הדרכי לא יתכן הלא דרכיכם לא יתכנו׃

  3. יְחֶזְקֵאל י״ח:כ״ט

    ואמרו בית ישראל לא יתכן דרך אדני הדרכי לא יתכנו בית ישראל הלא דרכיכם לא יתכן׃

  4. יְחֶזְקֵאל י״ח:ל׳

    לכן איש כדרכיו אשפט אתכם בית ישראל נאם אדני יהוה שובו והשיבו מכל פשעיכם ולא יהיה לכם למכשול עון׃

  5. יְחֶזְקֵאל י״ח:ל״ב

    כי לא אחפץ במות המת נאם אדני יהוה והשיבו וחיו׃

  6. יְחֶזְקֵאל כ׳:א׳

    ¶ ויהי בשנה השביעית בחמשי בעשור לחדש באו אנשים מזקני ישראל לדרש את יהוה וישבו לפני׃

  7. יְחֶזְקֵאל כ׳:ב׳

    ויהי דבר יהוה אלי לאמר׃

  8. יְחֶזְקֵאל כ׳:ג׳

    בן אדם דבר את זקני ישראל ואמרת אלהם כה אמר אדני יהוה הלדרש אתי אתם באים חי אני אם אדרש לכם נאם אדני יהוה׃

  9. יְחֶזְקֵאל כ׳:ה׳

    ואמרת אליהם כה אמר אדני יהוה ביום בחרי בישראל ואשא ידי לזרע בית יעקב ואודע להם בארץ מצרים ואשא ידי להם לאמר אני יהוה אלהיכם׃

  10. יְחֶזְקֵאל כ׳:ו׳

    ביום ההוא נשאתי ידי להם להוציאם מארץ מצרים אל ארץ אשר תרתי להם זבת חלב ודבש צבי היא לכל הארצות׃

  11. יְחֶזְקֵאל כ׳:ז׳

    ואמר אלהם איש שקוצי עיניו השליכו ובגלולי מצרים אל תטמאו אני יהוה אלהיכם׃

  12. יְחֶזְקֵאל כ׳:ח׳

    וימרו בי ולא אבו לשמע אלי איש את שקוצי עיניהם לא השליכו ואת גלולי מצרים לא עזבו ואמר לשפך חמתי עליהם לכלות אפי בהם בתוך ארץ מצרים׃

  13. יְחֶזְקֵאל כ׳:ט׳

    ואעש למען שמי לבלתי החל לעיני הגוים אשר המה בתוכם אשר נודעתי אליהם לעיניהם להוציאם מארץ מצרים׃

  14. יְחֶזְקֵאל כ׳:י׳

    ואוציאם מארץ מצרים ואבאם אל המדבר׃

  15. יְחֶזְקֵאל כ׳:י״א

    ואתן להם את חקותי ואת משפטי הודעתי אותם אשר יעשה אותם האדם וחי בהם׃

  16. יְחֶזְקֵאל כ׳:י״ב

    וגם את שבתותי נתתי להם להיות לאות ביני וביניהם לדעת כי אני יהוה מקדשם׃

  17. יְחֶזְקֵאל כ׳:י״ג

    וימרו בי בית ישראל במדבר בחקותי לא הלכו ואת משפטי מאסו אשר יעשה אתם האדם וחי בהם ואת שבתתי חללו מאד ואמר לשפך חמתי עליהם במדבר לכלותם׃

  18. יְחֶזְקֵאל כ׳:י״ד

    ואעשה למען שמי לבלתי החל לעיני הגוים אשר הוצאתים לעיניהם׃

  19. יְחֶזְקֵאל כ׳:ט״ו

    וגם אני נשאתי ידי להם במדבר לבלתי הביא אותם אל הארץ אשר נתתי זבת חלב ודבש צבי היא לכל הארצות׃

  20. יְחֶזְקֵאל כ׳:ט״ז

    יען במשפטי מאסו ואת חקותי לא הלכו בהם ואת שבתותי חללו כי אחרי גלוליהם לבם הלך׃

  21. יְחֶזְקֵאל כ׳:י״ז

    ותחס עיני עליהם משחתם ולא עשיתי אותם כלה במדבר׃

  22. יְחֶזְקֵאל כ׳:י״ח

    ואמר אל בניהם במדבר בחוקי אבותיכם אל תלכו ואת משפטיהם אל תשמרו ובגלוליהם אל תטמאו׃

  23. יְחֶזְקֵאל כ׳:י״ט

    אני יהוה אלהיכם בחקותי לכו ואת משפטי שמרו ועשו אותם׃

  24. יְחֶזְקֵאל כ׳:כ׳

    ואת שבתותי קדשו והיו לאות ביני וביניכם לדעת כי אני יהוה אלהיכם׃

  25. יְחֶזְקֵאל כ׳:כ״א

    וימרו בי הבנים בחקותי לא הלכו ואת משפטי לא שמרו לעשות אותם אשר יעשה אותם האדם וחי בהם את שבתותי חללו ואמר לשפך חמתי עליהם לכלות אפי בם במדבר׃