עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְחֶזְקֵאל ט״ז:נ״ג

    ושבתי את שבותהן את שבית סדם ובנותיה ואת שבית שמרון ובנותיה ושבית שביתיך בתוכהנה׃

  2. יְחֶזְקֵאל ט״ז:נ״ח

    את זמתך ואת תועבותיך את נשאתים נאם יהוה׃

  3. יְחֶזְקֵאל ט״ז:נ״ט

    כי כה אמר אדני יהוה ועשית אותך כאשר עשית אשר בזית אלה להפר ברית׃

  4. יְחֶזְקֵאל ט״ז:ס׳

    וזכרתי אני את בריתי אותך בימי נעוריך והקמותי לך ברית עולם׃

  5. יְחֶזְקֵאל ט״ז:ס״א

    וזכרת את דרכיך ונכלמת בקחתך את אחותיך הגדלות ממך אל הקטנות ממך ונתתי אתהן לך לבנות ולא מבריתך׃

  6. יְחֶזְקֵאל ט״ז:ס״ב

    והקימותי אני את בריתי אתך וידעת כי אני יהוה׃

  7. יְחֶזְקֵאל ט״ז:ס״ג

    למען תזכרי ובשת ולא יהיה לך עוד פתחון פה מפני כלמתך בכפרי לך לכל אשר עשית נאם אדני יהוה׃

  8. יְחֶזְקֵאל י״ז:א׳

    ¶ ויהי דבר יהוה אלי לאמר׃

  9. יְחֶזְקֵאל י״ז:ג׳

    ואמרת כה אמר אדני יהוה הנשר הגדול גדול הכנפים ארך האבר מלא הנוצה אשר לו הרקמה בא אל הלבנון ויקח את צמרת הארז׃

  10. יְחֶזְקֵאל י״ז:ט׳

    אמר כה אמר אדני יהוה תצלח הלוא את שרשיה ינתק ואת פריה יקוסס ויבש כל טרפי צמחה תיבש ולא בזרע גדולה ובעם רב למשאות אותה משרשיה׃

  11. יְחֶזְקֵאל י״ז:י״א

    ויהי דבר יהוה אלי לאמר׃

  12. יְחֶזְקֵאל י״ז:ט״ז

    חי אני נאם אדני יהוה אם לא במקום המלך הממליך אתו אשר בזה את אלתו ואשר הפר את בריתו אתו בתוך בבל ימות׃

  13. יְחֶזְקֵאל י״ז:י״ט

    לכן כה אמר אדני יהוה חי אני אם לא אלתי אשר בזה ובריתי אשר הפיר ונתתיו בראשו׃

  14. יְחֶזְקֵאל י״ז:כ׳

    ופרשתי עליו רשתי ונתפש במצודתי והביאותיהו בבלה ונשפטתי אתו שם מעלו אשר מעל בי׃

  15. יְחֶזְקֵאל י״ז:כ״א

    ואת כל מברחו בכל אגפיו בחרב יפלו והנשארים לכל רוח יפרשו וידעתם כי אני יהוה דברתי׃

  16. יְחֶזְקֵאל י״ז:כ״ב

    כה אמר אדני יהוה ולקחתי אני מצמרת הארז הרמה ונתתי מראש ינקותיו רך אקטף ושתלתי אני על הר גבה ותלול׃

  17. יְחֶזְקֵאל י״ז:כ״ג

    בהר מרום ישראל אשתלנו ונשא ענף ועשה פרי והיה לארז אדיר ושכנו תחתיו כל צפור כל כנף בצל דליותיו תשכנה׃

  18. יְחֶזְקֵאל י״ז:כ״ד

    וידעו כל עצי השדה כי אני יהוה השפלתי עץ גבה הגבהתי עץ שפל הובשתי עץ לח והפרחתי עץ יבש אני יהוה דברתי ועשיתי׃

  19. יְחֶזְקֵאל י״ח:א׳

    ¶ ויהי דבר יהוה אלי לאמר׃

  20. יְחֶזְקֵאל י״ח:ג׳

    חי אני נאם אדני יהוה אם יהיה לכם עוד משל המשל הזה בישראל׃

  21. יְחֶזְקֵאל י״ח:ד׳

    הן כל הנפשות לי הנה כנפש האב וכנפש הבן לי הנה הנפש החטאת היא תמות׃

  22. יְחֶזְקֵאל י״ח:ט׳

    בחקותי יהלך ומשפטי שמר לעשות אמת צדיק הוא חיה יחיה נאם אדני יהוה׃

  23. יְחֶזְקֵאל י״ח:י״ז

    מעני השיב ידו נשך ותרבית לא לקח משפטי עשה בחקותי הלך הוא לא ימות בעון אביו חיה יחיה׃

  24. יְחֶזְקֵאל י״ח:י״ט

    ואמרתם מדע לא נשא הבן בעון האב והבן משפט וצדקה עשה את כל חקותי שמר ויעשה אתם חיה יחיה׃

  25. יְחֶזְקֵאל י״ח:כ״א

    והרשע כי ישוב מכל חטאתו אשר עשה ושמר את כל חקותי ועשה משפט וצדקה חיה יחיה לא ימות׃