עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְחֶזְקֵאל כ״ד:כ׳

    ואמר אליהם דבר יהוה היה אלי לאמר׃

  2. יְחֶזְקֵאל כ״ד:כ״א

    אמר לבית ישראל כה אמר אדני יהוה הנני מחלל את מקדשי גאון עזכם מחמד עיניכם ומחמל נפשכם ובניכם ובנותיכם אשר עזבתם בחרב יפלו׃

  3. יְחֶזְקֵאל כ״ד:כ״ב

    ועשיתם כאשר עשיתי על שפם לא תעטו ולחם אנשים לא תאכלו׃

  4. יְחֶזְקֵאל כ״ד:כ״ד

    והיה יחזקאל לכם למופת ככל אשר עשה תעשו בבאה וידעתם כי אני אדני יהוה׃

  5. יְחֶזְקֵאל כ״ד:כ״ה

    ואתה בן אדם הלוא ביום קחתי מהם את מעזם משוש תפארתם את מחמד עיניהם ואת משא נפשם בניהם ובנותיהם׃

  6. יְחֶזְקֵאל כ״ד:כ״ז

    ביום ההוא יפתח פיך את הפליט ותדבר ולא תאלם עוד והיית להם למופת וידעו כי אני יהוה׃

  7. יְחֶזְקֵאל כ״ה:א׳

    ¶ ויהי דבר יהוה אלי לאמר׃

  8. יְחֶזְקֵאל כ״ה:ג׳

    ואמרת לבני עמון שמעו דבר אדני יהוה כה אמר אדני יהוה יען אמרך האח אל מקדשי כי נחל ואל אדמת ישראל כי נשמה ואל בית יהודה כי הלכו בגולה׃

  9. יְחֶזְקֵאל כ״ה:ד׳

    לכן הנני נתנך לבני קדם למורשה וישבו טירותיהם בך ונתנו בך משכניהם המה יאכלו פריך והמה ישתו חלבך׃

  10. יְחֶזְקֵאל כ״ה:ה׳

    ונתתי את רבה לנוה גמלים ואת בני עמון למרבץ צאן וידעתם כי אני יהוה׃

  11. יְחֶזְקֵאל כ״ה:ו׳

    כי כה אמר אדני יהוה יען מחאך יד ורקעך ברגל ותשמח בכל שאטך בנפש אל אדמת ישראל׃

  12. יְחֶזְקֵאל כ״ה:ז׳

    לכן הנני נטיתי את ידי עליך ונתתיך לבג לגוים והכרתיך מן העמים והאבדתיך מן הארצות אשמידך וידעת כי אני יהוה׃

  13. יְחֶזְקֵאל כ״ה:ח׳

    כה אמר אדני יהוה יען אמר מואב ושעיר הנה ככל הגוים בית יהודה׃

  14. יְחֶזְקֵאל כ״ה:ט׳

    לכן הנני פתח את כתף מואב מהערים מעריו מקצהו צבי ארץ בית הישימת בעל מעון וקריתמה׃

  15. יְחֶזְקֵאל כ״ה:י״א

    ובמואב אעשה שפטים וידעו כי אני יהוה׃

  16. יְחֶזְקֵאל כ״ה:י״ב

    כה אמר אדני יהוה יען עשות אדום בנקם נקם לבית יהודה ויאשמו אשום ונקמו בהם׃

  17. יְחֶזְקֵאל כ״ה:י״ג

    לכן כה אמר אדני יהוה ונטתי ידי על אדום והכרתי ממנה אדם ובהמה ונתתיה חרבה מתימן ודדנה בחרב יפלו׃

  18. יְחֶזְקֵאל כ״ה:י״ד

    ונתתי את נקמתי באדום ביד עמי ישראל ועשו באדום כאפי וכחמתי וידעו את נקמתי נאם אדני יהוה׃

  19. יְחֶזְקֵאל כ״ה:ט״ו

    כה אמר אדני יהוה יען עשות פלשתים בנקמה וינקמו נקם בשאט בנפש למשחית איבת עולם׃

  20. יְחֶזְקֵאל כ״ה:ט״ז

    לכן כה אמר אדני יהוה הנני נוטה ידי על פלשתים והכרתי את כרתים והאבדתי את שארית חוף הים׃

  21. יְחֶזְקֵאל כ״ה:י״ז

    ועשיתי בם נקמות גדלות בתוכחות חמה וידעו כי אני יהוה בתתי את נקמתי בם׃

  22. יְחֶזְקֵאל כ״ו:א׳

    ¶ ויהי בעשתי עשרה שנה באחד לחדש היה דבר יהוה אלי לאמר׃

  23. יְחֶזְקֵאל כ״ו:ב׳

    בן אדם יען אשר אמרה צר על ירושלם האח נשברה דלתות העמים נסבה אלי אמלאה החרבה׃

  24. יְחֶזְקֵאל כ״ו:ג׳

    לכן כה אמר אדני יהוה הנני עליך צר והעליתי עליך גוים רבים כהעלות הים לגליו׃

  25. יְחֶזְקֵאל כ״ו:ד׳

    ושחתו חמות צר והרסו מגדליה וסחיתי עפרה ממנה ונתתי אותה לצחיח סלע׃