God

¶ שיר המעלות לדוד שמחתי באמרים לי בית יהוה נלך׃

ששם עלו שבטים שבטי יה עדות לישראל להדות לשם יהוה׃

למען בית יהוה אלהינו אבקשה טוב לך׃

¶ שיר המעלות אליך נשאתי את עיני הישבי בשמים׃

הנה כעיני עבדים אל יד אדוניהם כעיני שפחה אל יד גברתה כן עינינו אל יהוה אלהינו עד שיחננו׃

חננו יהוה חננו כי רב שבענו בוז׃

¶ שיר המעלות לדוד לולי יהוה שהיה לנו יאמר נא ישראל׃

לולי יהוה שהיה לנו בקום עלינו אדם׃

ברוך יהוה שלא נתננו טרף לשניהם׃

עזרנו בשם יהוה עשה שמים וארץ׃

¶ שיר המעלות הבטחים ביהוה כהר ציון לא ימוט לעולם ישב׃

ירושלם הרים סביב לה ויהוה סביב לעמו מעתה ועד עולם׃

היטיבה יהוה לטובים ולישרים בלבותם׃

והמטים עקלקלותם יוליכם יהוה את פעלי האון שלום על ישראל׃

¶ שיר המעלות בשוב יהוה את שיבת ציון היינו כחלמים׃

אז ימלא שחוק פינו ולשוננו רנה אז יאמרו בגוים הגדיל יהוה לעשות עם אלה׃

הגדיל יהוה לעשות עמנו היינו שמחים׃

שובה יהוה את שבותנו כאפיקים בנגב׃

¶ שיר המעלות לשלמה אם יהוה לא יבנה בית שוא עמלו בוניו בו אם יהוה לא ישמר עיר שוא שקד שומר׃

שוא לכם משכימי קום מאחרי שבת אכלי לחם העצבים כן יתן לידידו שנא׃

הנה נחלת יהוה בנים שכר פרי הבטן׃

¶ שיר המעלות אשרי כל ירא יהוה ההלך בדרכיו׃

הנה כי כן יברך גבר ירא יהוה׃

יברכך יהוה מציון וראה בטוב ירושלם כל ימי חייך׃

יהוה צדיק קצץ עבות רשעים׃