God

ראש דברך אמת ולעולם כל משפט צדקך׃

שרים רדפוני חנם ומדבריך פחד לבי׃

שש אנכי על אמרתך כמוצא שלל רב׃

שקר שנאתי ואתעבה תורתך אהבתי׃

שבע ביום הללתיך על משפטי צדקך׃

שלום רב לאהבי תורתך ואין למו מכשול׃

שברתי לישועתך יהוה ומצותיך עשיתי׃

שמרה נפשי עדתיך ואהבם מאד׃

שמרתי פקודיך ועדתיך כי כל דרכי נגדך׃

תקרב רנתי לפניך יהוה כדברך הבינני׃

תבוא תחנתי לפניך כאמרתך הצילני׃

תבענה שפתי תהלה כי תלמדני חקיך׃

תען לשוני אמרתך כי כל מצותיך צדק׃

תהי ידך לעזרני כי פקודיך בחרתי׃

תאבתי לישועתך יהוה ותורתך שעשעי׃

תחי נפשי ותהללך ומשפטך יעזרני׃

תעיתי כשה אבד בקש עבדך כי מצותיך לא שכחתי׃

¶ שיר המעלות אל יהוה בצרתה לי קראתי ויענני׃

יהוה הצילה נפשי משפת שקר מלשון רמיה׃

עזרי מעם יהוה עשה שמים וארץ׃

אל יתן למוט רגלך אל ינום שמרך׃

הנה לא ינום ולא יישן שומר ישראל׃

יהוה שמרך יהוה צלך על יד ימינך׃

יהוה ישמרך מכל רע ישמר את נפשך׃

יהוה ישמר צאתך ובואך מעתה ועד עולם׃