God

ולא אמרו העברים ברכת יהוה אליכם ברכנו אתכם בשם יהוה׃

¶ שיר המעלות ממעמקים קראתיך יהוה׃

אדני שמעה בקולי תהיינה אזניך קשבות לקול תחנוני׃

אם עונות תשמר יה אדני מי יעמד׃

כי עמך הסליחה למען תורא׃

קויתי יהוה קותה נפשי ולדברו הוחלתי׃

נפשי לאדני משמרים לבקר שמרים לבקר׃

יחל ישראל אל יהוה כי עם יהוה החסד והרבה עמו פדות׃

והוא יפדה את ישראל מכל עונתיו׃

¶ שיר המעלות לדוד יהוה לא גבה לבי ולא רמו עיני ולא הלכתי בגדלות ובנפלאות ממני׃

יחל ישראל אל יהוה מעתה ועד עולם׃

¶ שיר המעלות זכור יהוה לדוד את כל ענותו׃

אשר נשבע ליהוה נדר לאביר יעקב׃

עד אמצא מקום ליהוה משכנות לאביר יעקב׃

נבואה למשכנותיו נשתחוה להדם רגליו׃

קומה יהוה למנוחתך אתה וארון עזך׃

כהניך ילבשו צדק וחסידיך ירננו׃

בעבור דוד עבדך אל תשב פני משיחך׃

נשבע יהוה לדוד אמת לא ישוב ממנה מפרי בטנך אשית לכסא לך׃

אם ישמרו בניך בריתי ועדתי זו אלמדם גם בניהם עדי עד ישבו לכסא לך׃

כי בחר יהוה בציון אוה למושב לו׃

זאת מנוחתי עדי עד פה אשב כי אותיה׃

צידה ברך אברך אביוניה אשביע לחם׃

וכהניה אלביש ישע וחסידיה רנן ירננו׃

שם אצמיח קרן לדוד ערכתי נר למשיחי׃