עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 1 שְׁמוּאֵל ג׳:ח׳

    ויסף יהוה קרא שמואל בשלשית ויקם וילך אל עלי ויאמר הנני כי קראת לי ויבן עלי כי יהוה קרא לנער׃

  2. 1 שְׁמוּאֵל ג׳:ט׳

    ויאמר עלי לשמואל לך שכב והיה אם יקרא אליך ואמרת דבר יהוה כי שמע עבדך וילך שמואל וישכב במקומו׃

  3. 1 שְׁמוּאֵל ג׳:י׳

    ויבא יהוה ויתיצב ויקרא כפעם בפעם שמואל שמואל ויאמר שמואל דבר כי שמע עבדך׃

  4. 1 שְׁמוּאֵל ג׳:י״א

    ויאמר יהוה אל שמואל הנה אנכי עשה דבר בישראל אשר כל שמעו תצלינה שתי אזניו׃

  5. 1 שְׁמוּאֵל ג׳:י״ב

    ביום ההוא אקים אל עלי את כל אשר דברתי אל ביתו החל וכלה׃

  6. 1 שְׁמוּאֵל ג׳:י״ג

    והגדתי לו כי שפט אני את ביתו עד עולם בעון אשר ידע כי מקללים להם בניו ולא כהה בם׃

  7. 1 שְׁמוּאֵל ג׳:י״ד

    ולכן נשבעתי לבית עלי אם יתכפר עון בית עלי בזבח ובמנחה עד עולם׃

  8. 1 שְׁמוּאֵל ג׳:ט״ו

    וישכב שמואל עד הבקר ויפתח את דלתות בית יהוה ושמואל ירא מהגיד את המראה אל עלי׃

  9. 1 שְׁמוּאֵל ג׳:י״ז

    ויאמר מה הדבר אשר דבר אליך אל נא תכחד ממני כה יעשה לך אלהים וכה יוסיף אם תכחד ממני דבר מכל הדבר אשר דבר אליך׃

  10. 1 שְׁמוּאֵל ג׳:י״ח

    ויגד לו שמואל את כל הדברים ולא כחד ממנו ויאמר יהוה הוא הטוב בעינו יעשה׃

  11. 1 שְׁמוּאֵל ג׳:י״ט

    ויגדל שמואל ויהוה היה עמו ולא הפיל מכל דבריו ארצה׃

  12. 1 שְׁמוּאֵל ג׳:כ׳

    וידע כל ישראל מדן ועד באר שבע כי נאמן שמואל לנביא ליהוה׃

  13. 1 שְׁמוּאֵל ג׳:כ״א

    ויסף יהוה להראה בשלה כי נגלה יהוה אל שמואל בשלו בדבר יהוה׃

  14. 1 שְׁמוּאֵל ד׳:ג׳

    ויבא העם אל המחנה ויאמרו זקני ישראל למה נגפנו יהוה היום לפני פלשתים נקחה אלינו משלה את ארון ברית יהוה ויבא בקרבנו וישענו מכף איבינו׃

  15. 1 שְׁמוּאֵל ד׳:ד׳

    וישלח העם שלה וישאו משם את ארון ברית יהוה צבאות ישב הכרבים ושם שני בני עלי עם ארון ברית האלהים חפני ופינחס׃

  16. 1 שְׁמוּאֵל ד׳:ה׳

    ויהי כבוא ארון ברית יהוה אל המחנה וירעו כל ישראל תרועה גדולה ותהם הארץ׃

  17. 1 שְׁמוּאֵל ד׳:ו׳

    וישמעו פלשתים את קול התרועה ויאמרו מה קול התרועה הגדולה הזאת במחנה העברים וידעו כי ארון יהוה בא אל המחנה׃

  18. 1 שְׁמוּאֵל ד׳:ז׳

    ויראו הפלשתים כי אמרו בא אלהים אל המחנה ויאמרו אוי לנו כי לא היתה כזאת אתמול שלשם׃

  19. 1 שְׁמוּאֵל ד׳:י״א

    וארון אלהים נלקח ושני בני עלי מתו חפני ופינחס׃

  20. 1 שְׁמוּאֵל ד׳:י״ג

    ויבוא והנה עלי ישב על הכסא יך דרך מצפה כי היה לבו חרד על ארון האלהים והאיש בא להגיד בעיר ותזעק כל העיר׃

  21. 1 שְׁמוּאֵל ד׳:י״ז

    ויען המבשר ויאמר נס ישראל לפני פלשתים וגם מגפה גדולה היתה בעם וגם שני בניך מתו חפני ופינחס וארון האלהים נלקחה׃

  22. 1 שְׁמוּאֵל ד׳:י״ח

    ויהי כהזכירו את ארון האלהים ויפל מעל הכסא אחרנית בעד יד השער ותשבר מפרקתו וימת כי זקן האיש וכבד והוא שפט את ישראל ארבעים שנה׃

  23. 1 שְׁמוּאֵל ד׳:י״ט

    וכלתו אשת פינחס הרה ללת ותשמע את השמעה אל הלקח ארון האלהים ומת חמיה ואישה ותכרע ותלד כי נהפכו עליה צריה׃

  24. 1 שְׁמוּאֵל ד׳:כ״א

    ותקרא לנער אי כבוד לאמר גלה כבוד מישראל אל הלקח ארון האלהים ואל חמיה ואישה׃

  25. 1 שְׁמוּאֵל ד׳:כ״ב

    ותאמר גלה כבוד מישראל כי נלקח ארון האלהים׃