Ayoyin Littafi Mai Tsarki game da Meteorology and Celestial Phenomena: General references

babu tsiro a duniya kuma ganyaye ba su tsira a busasshiyar ƙasa ko ba, gama Ubangiji Allah bai aiko da ruwan sama a kan duniya ba tukuna, babu kuma wani mutumin da zai nome ƙasar,

amma dai rafuffuka suna ɓullo da ruwa daga ƙasa suna jiƙe ko’ina a fāɗin ƙasa.

Mahaifinsa Ishaku ya amsa masa ya ce, “Ga shi, ni’imar ƙasar za tă nisanci mazauninka. Raɓar samaniya can ƙwanƙoli za tă nisance ka.

Yana magana da rana sai ta ƙi yin haske; yana hana taurari yin haske.

Ya shimfiɗa arewancin sararin sama a sarari; ya rataye duniya ba a jikin wani abu ba.

Ya naɗe ruwaye a cikin gizagizansa, duk da haka girgijen bai yage saboda nauyi ba.

Madogaran sama sun girgiza, saboda tsawatawarsa.

Tsoro zai kwashe shi kamar ambaliyar ruwa; Da dare iska za tă tafi da shi.

Iskar gabas za tă tafi da shi; shi ke nan ya ƙare; za tă share shi daga wurinsa.

Gama yana ganin iyakar duniya kuma yana ganin duk abin da yake ƙarƙashin sama.

Lokacin da ya yi iska ya sa ta hura, ya kuma auna ruwaye.

Lokacin da ya yi wa ruwan sama doka da kuma hanya domin walƙiya,

sai ya dubi hikima ya auna ta; ya tabbatar da ita, ya gwada ta.

Jijiyoyina za su kai cikin ruwa, kuma raɓa za tă kwanta a rassana dukan dare.

“Yana sa ruwa yă zama tururi yă zubo daga sama.

Gizagizai suna zubo da raɓarsu kuma ruwan sama yana zubowa ’yan adam a wadace.

Wane ne zai iya gane yadda ya shimfiɗa gizagizai yadda yake tsawa daga wurin zamansa?

Dubi yadda ya baza walƙiyarsa kewaye da shi, tana haskaka zurfin teku.

Haka yake mulkin al’ummai yana kuma tanada abinci a wadace.

Yana cika hannuwansa da walƙiya kuma yana ba ta umarni tă fāɗi a inda ya yi nufi.

Tsawarsa tana nuna cewa babbar iska da ruwa suna zuwa; ko shanu sun san da zuwansa.

Yakan ce wa dusar ƙanƙara, ‘Fāɗo a kan duniya,’ ya kuma ce wa ruwa, ‘Zubo da ƙarfi.’

Domin dukan mutanen da ya halitta za su san aikinsa, ya hana kowane mutum yin wahalar aiki.

Dabbobi sun ɓoye; sun zauna cikin kogunansu.

Guguwa tana fitowa daga inda take, sanyi kuma daga iska mai sanyi.